Alkitab Mobile SABDA
[VER] : [TABARU]     [PL]  [PB] 
 <<  1 Timotius 2 >> 

1Ma di-disiraka ngoi toga'asoko tosigou-gounguku la niolahidoa de nio'amalaha ma Jo'oungu ma Dutuka ma ngale 'o nyawa 'iodumu.

2Niakisilahidoa 'o koa-koana de 'o nyawa gee yopa-pareta la ngone po'ahu 'iriidi ma ngale ma Jo'oungu ma Dutuoka de nanga 'ahu yaowa-owa.

3Ge'enau 'isure de ma Jo'oungu ma Dutu gee nanga Ro-riwo Wonasilaha-laha gu'una 'awi singina yadaene.

4'Una womau la 'o nyawa 'iodumu yamake 'o laha, de 'idadi yosikanako yadae-daene.

5Sababu ma Jo'oungu ma Dutu duga kawomatengoka. De kawomatengoka mita gee wonasikati-tiai ngone 'o nyawa de ma Jo'oungu ma Dutu, ge'ena la ma Kristus Yesus.

6'Una ma sirete womasisarakaniokau wiso-songene ma ngale watuusu 'o nyawa 'iodumu nanga so-sowono. De ne'enau ma Jo'oungu ma Dutu wosidumutu ma 'orasi yadae-daenuku 'ato 'una womau la 'o nyawa 'iodumu wakiriwo wakisilaha.

7Ge'enau so ngoi 'isuloko totagi ko 'o Yahudiwa ma nyawaka ma ngale tositotara 'o ngo-ngaku 'iti-tiai. Gee ngoi tositota-totara ne'ena ge'ena ma goungu; ngoi kotoelukuwa.

8Ngoi tomau la 'o nau-nauru kiaka naga bato yolahidoa de manga singina 'itebi-tebini; 'uwa yakitu'uduuku bolo yomakatasalaku.

9De tomau la 'o nge-ngeweka tanu yomapake ka biasa. De yomapakeangi 'uwa 'o 'adati yaparene. Manga utu 'uwa yakadiai kaifoloi, manga roesino 'uwa yosipake 'o saaka bolo 'o mustika, bolo 'o pakeangi 'ihali-hali.

10La 'ena salingou yomasipake de 'o gokoie yaowa-owa 'isoka kokia naga yadaene 'o nge-ngewekaka gee yosuba-suba ma Jo'oungu ma Dutuka.

11'O nge-ngeweka tanu yomadotoko yoriidi de yo'ise-'isene.

12Ngoi kotosidabiwa 'ona yodotoko de yopareta 'o naurika, 'ona salingou kayomarii-riidika.

13Sababu 'isira wisidadi ge'ena 'o Adam, 'asa deika ngo Hawa.

14De ko 'o Adamuwa wodomoteke 'o ngeluku, so 'ena 'o ngeweka gumuna sigado ma Jo'oungu ma Dutu wi besesongo maparene.

15Ngaro koge'ena ma, 'o nge-ngeweka yamake 'o laha ge'ena ma ngekomo yomaku'arene, 'itilai tatapu yongaku ma Kristusika de manga singina 'itipokoku, de tatapu yakidora 'o nyawa 'ireguka, de yo'ahu duga ka de ma Jo'oungu ma Dutu.


  Share Facebook  |  Share Twitter

Download Audio MP3 (1 Timotius 2):
Mobile (Low Quality) - CD (High Quality)

 <<  1 Timotius 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel