Alkitab Mobile SABDA
[VER] : [TABARU]     [PL]  [PB] 
 <<  1 Yohanes 1 >> 

1'O surati ne'ena ma dodaka dau ge'ena la 'una gee wisironga 'o Demo 'iwango-wango. 'Una nagau ka ma sirasi gee ka 'o dunia ma koisidadiwasi. Ngomi migi'isenokau de mimakekau, milega mimaigoungokau de mi'aokau.

2Ma 'ahu ge'ena misidumutokau ngomino so miamakekau. Ge'enau so ne'ena miosisakisii nginika, de minisitotara 'o 'ahu kaisi'ado-'adonika gee naga de ma Dea.

3'Okia naga gee ngomi miamakekau de mio'isenokau, ge'enau miositotara nginika la ngone poodumu po'ahu pomarimoi de nanga Dea ma Jo'oungu ma Dutu de 'awi Ngowaka ma Yesus Kristus.

4Ngomi miatulisi ne'ena la nanga singina ma gou-goungu 'imorene.

5'O habari ne'enau mio'isenino ma Jo'oungu ma Dutu 'awi Ngowakoka de gee miositota-totara nginika, ge'ena la: Ma Jo'oungu ma Dutu 'una ge'ena 'o darangi, de 'unaka ka ma eta ma koi'iwa 'o darusu.

6Nako ngone pongose 'ato ngone po'ahu de de 'una 'ena momongo ngone po'ahu 'o darusu ma dodaka ge'ena la po'ahu 'o sowono ma dodaka, ge'ena ma ngale ngone poelukokau de koposingou-ngounuwa 'o do-dotoko 'iti-tiai.

7Ma nako ngone po'ahu 'o darangioka ma ngale ngone po'ahu de de 'una de nanga singina ma dodaka ka ma eta ma koi'iwa 'o dorou, 'isoka kokia naga ma Jo'oungu ma Dutuoka ka ma eta ma koi'iwa 'o dorou, ge'ena ngone po'ahu pomarimoi, pomaka'asa yaowa moi de moi, de 'o Yesus ma Jo'oungu ma Dutu 'awi Ngowaka gu'una 'awi 'aunu 'ipoa de wosongone ma ngale nanga so-sowono wakokitebini.

8Nako ngone pongose 'ato ngone koposowonuwa, ge'ena ngone ma sirete pomasihaga, de 'o do-dotoko 'iti-tiai ma Jo'oungu ma Dutuno koi'iwa ngoneka.

9Ma nako ngone ma gou-goungu pomangaku nanga so-sowono ma Jo'oungu ma Dutuka, ge'ena 'una 'asa kowosi-singinawau nanga so-sowono de wonasitebini nanga di-diai 'ito-torouoka sababu 'una wadiai 'okia naga gee 'iti-tiai de 'awi jaji ngoneno mita salingou wadiai.

10Nako ngone pongose 'ato koposowonuwa, ge'ena kaimatero de pongose 'ato ma Jo'oungu ma Dutu woelu-eluku, de 'awi demo kopa'esenowa nanga singina ma dodaka.


  Share Facebook  |  Share Twitter

Download Audio MP3 (1 Yohanes 1):
Mobile (Low Quality) - CD (High Quality)

 <<  1 Yohanes 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel