Alkitab Mobile SABDA
[VER] : [TOBA]     [PL]  [PB] 
 <<  Mazmur 30 >> 

I. Pujipujian marningot haluaon sian nasa hagogotan 2-6. II. Tangiang dohot pujipujian 7-13

1Ende sian si Daud laho pasahathon bagas i tu Debata.

2(I.) Patimbulonku ma Ho, ale Jahowa, ai Ho do mangenet ahu sian godung, jala ndang dipalas Ho roha ni angka musungku mida ahu.

3Ale Jahowa, Debatangku, tu Ho do ahu mangangguhi, jadi dipamalum Ho ahu.

4Ale Jahowa, nunga dipanangkok Ho tondingku sian banua toru, nunga dipangolu Ho ahu sian angka na manuruki hinambor.

5Puji ma Jahowa, hamu ale angka na niasianna, jala endehon hamu ma barita ni habadiaonna i!

6Ai tongkin do panombo ni rimasna, alai saleleng mangolu do ianggo asi ni rohana; botarina i sorang partangison, hape manogotna i masa parolopolopon.

7(II.) Alai anggo ahu ningku do, saleleng sonang ahu: ndang tagamon humordit ahu salelenglelengna.

8Ho do, ale Jahowa, pagonting dolokku sian denggan ni basam; ditabunihon Ho do bohim, jadi tarhatotong ahu.

9Tu Ho do ahu joujou ale Jahowa, jala tu Jahowa do ahu marhuraja.

10Tung aha ma labam di mudarhi, di hatutuathu tu godung? Tung tagamon ma pujion ni orbuk Ho, manang manjamitahon hasintonganmi?

11Sai tangihon ma, ale Jahowa, jala asi roham mida ahu! Sai Ho ma Sipartumpak di ahu ale Jahowa!

12Nunga dihosing Ho andungku gabe endengku, nunga ditanggal Ho horingku, dung i dihohoshon Ho do tu ahu las ni roha. (30-13) Asa pujion ni hamuliaon tondingku Ho, ndang marpansadian. Sai pujionku do Ho, ale Jahowa, Debatangku salelenglelengna.


  Share Facebook  |  Share Twitter

 <<  Mazmur 30 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel