Dual PanelPa’kurre sumanga’ belanna Puang Matua ungkasokanni angge maritik sia ungkarimmanni to Israel
1Pudimi tu PUANG, pa masokan Ia, belanna iatu kamasokananna tang tileluk sae lakona.
2Pudimi tu Puang Matua undaoanni mintu’ deata, belanna iatu kamasokananNa tang tileluk sae lakona.
3Pudimi tu Puangna mintu’ puang. Belanna iatu kamasokananNa tang tileluk sae lakona;
4ia manna ia tu umpogau’ tanda kalle-kallean kapua, belanna iatu kamasokananNa tang tileluk sae lakona;
5tu To umpadadi langi’ tete dio tangnga’ kinaa, belanna iatu kamasokananNa tang tileluk sae lakona.
6Tu umpatiballa’ kapadanganna dao to’ kauaianna, belanna iatu kamasokananNa tang tileluk sae lakona.
7Tu umpaden ba’tu pira-pira arrang kapua, belanna iatu kamasokananNa tang tileluk sae lakona.
8Iamotu mata allo umparenta masiang, belanna iatu kamasokananNa tang tileluk sae lakona.
9Na bulan sola mintu’ bintoen umparenta bongi, belanna iatu kamasokananNa tang tileluk sae lakona.
10Tu To mangka umbamba lendu’ to Mesir, belanna Napatei nasang tu anak pa’bunga’na, belanna iatu kamasokananNa tang tileluk sae lakona.
11Sia untassu’i to Israel lan mai tau iato mai, belanna iatu kamasokananNa tang tileluk sae lakona.
12Tete dio lima matoto’ sia takia’ tie’te’, belanna iatu kamasokananNa tang tileluk sae lakona.
13Tu mangka umballak tasik Teberau anna tipa’dua, belanna iatu kamasokananNa tang tileluk sae lakona.
14Tu umpalamban to Israel lan tangngana, belanna iatu kamasokananNa tang tileluk sae lakona.
15Apa Nabolloan tu Firaun sola mintu’ to untoe kassa’na tama tasik Teberau, belanna iatu kamasokananNa tang tileluk sae lakona.
16Tu To urrenden taunna unnola padang pangallaran, belanna iatu kamasokananNa tang tileluk sae lakona.
17Tu To ussabu’i ba’tu pira-pira datu kapua, belanna iatu kamasokanNa tang tileluk sae lakona.
18Sia tu To umpatei ba’tu pira-pira datu ma’kalalongan, belanna iatu kamasokananNa tang tileluk sae lakona.
19La Sihon datu to Amori, belanna iatu kamasokananNa tang tileluk sae lakona.
20La iatu Og, datu Basan, belanna iatu kamasokananNa tang tileluk sae lakona.
21Tu To umpa’ba’gian padangna tau iato mai la torro mana’, belanna iatu kamasokananNa tang tileluk sae lakona.
22Misa’ mana’ Naba’gian to Israel, taunNa, belanna iatu kamasokananNa tang tileluk sae lakona.
23Tu mangka ungkilalaiki’ lan kamase-maseanta, belanna iatu kamasokananNa tang tileluk sae lakona.
24AnNa sabak ka’tuki’ lan mai lisu pala’na mintu’ ualinta, belanna iatu kamasokananNa tang tileluk sae lakona.
25Iamo umpatuo mintu’ angge menono’, belanna iatu kamasokananNa tang tileluk sae lakona.
26Pudimi tu Kapenomban dao suruga, belanna iatu kamasokananNa tang tileluk sae lakona.