Alkitab Mobile SABDA
[VER] : [ABUN]     [PL]  [PB] 
 <<  1 Korintus 16 >> 

1Ré ne, ji krom sukdu subot sugum gato nin sum wa ye Kristen. Ji kiwa nin benbot sukdu gato ji duno yé gato onyar kem mo Yefun Yesus mo bur Galatia su ne.

2Aridik-aridik bi kam futmo, nin kadik-kadik wat sugum wa nin ós ye Kristen yi su ne. Ye gato ku sugum mwa, wat mwa, wo ye gato ku sugum wokgan, wat wokgan, nin grem mo pe gato dor. Nin grem sugum mone ndek sor ji ba ku nin mone et, subere ji kom mone yo, men yo werwa sum sugum o nde.

3Ji ba kom mone yo, bere ji fro ye gato nin dakai imo ne wa gwat sugum ne mu mo Yerusalem, ete ji krom surat wa án gwat su sugum ne.

4Mone men nai sukjimnut do, ji si dom it yo, bere ji si án mu sino.

5Bere ji ba ku nin mone. Ji ba ku nje mo bur Makedonia nyim, orete ji ba ku nin mone.

6Bere ji si nin kem mone kam bok yo rek bado, ji si nin kem mone sor nden dek kom mo aina bok yo, orete ji mu bado, ji yo jam ri nde tó. Ji do mu o it yo, bere nin ós ji mu mo nat yi gato ji mu mone o.

7Ji bariwa ji ba ku nin wikgan sor, ete ji mu kadit nin, wo men bi Yekwesu Yefun Yesus imo yo, bere ji si nin kem nam gan mone.

8Sarewo su ré yo, ji kem mo kota Efesus sor, kam sye Pentakosta ré or et,

9we, kapre yé mwa duwer ji, Yefun kak os wa ji ben An bi suk-i gato ós nje more tó.

10Timotius ba ku nin it yo, nin mewa an sisu ndo, subere an yo nokwa suk daret nde, we an ben men bi Yekwesu Yefun Yesus bi suk-i, sato ji ben Yefun bi suk-i ne dom.

11Nin ge dik yo misyar an dom nde, wo nin sino ben sukndo su an. Nin ós an satu ma ku ji more sisu ndo, we ji kem kret an si ye deyo gato onyar kem mo Yefun gato si an ma ne.

12Ji krom sukdu subot men bi nji gato gum do Apolos do, wam bok yo ji syogat an si ye gato onyar kem mo Yefun gato ós an, subere yé bok ne ba ku nin mone ware, Apolos yo fro nggwa wa an ba ku nin mone nde tó. Sarewo kapyo tak, Yefun kak os wa an yo, bere an ba ku nin mone tó.

13Nin mewa nin nggwa, nin onyar kem mo Yefun Yesus, nin misyar Yefun nde, wo nin jom An bi sukdu ne krat sor. Nin ben suk su nin nok nde, nin ti krat sor.

14Nin bi sukjimnut sye kas subot nje mo suk mwa gato nin ben ne sino.

15Nin jam do, sangge, Stefanus si bi nggon si bi pa ne, án sino tepsu ye gato onyar kem mo Yesus Kristus nyim kadit ye yi mo bur Akhaya. Án ben Yefun Allah bi suk-i, án ben suk wa ós ye gato onyar kem mo Yefun Yesus mone.

16Sane ji kiwa nin jammo yenggras gato ben bi suk-i sane. Sane dom, yé mwa ne sino gato si men tepsu dik wa ben Yefun bi suk-i sane yo, nin jammo sor.

17Ji iwa Stefanus, Fortunatus si Akhaikus ma ku ji more. Kapre nin yo ma ku ji nde, an ka gri ne ma ku ji win nin re.

18An ka gri ben ji sane sor ji mit ndo re, sagato an ka gri ben su nin mone re. Ye ga sane yo, ndo sa, men bes an gum kok sor.

19Yé mwa gato onyar kem mo Yefun Yesus gato kem mo bur Asia ki ndo mo nin sino. Akwila si Priskila si ye gato onyar kem mo Yefun Yesus gato sum mo an we bi nu ne ki ndo mwa mo nin sino gato bi Yekwesu tepsu men ne.

20Nin bi nji, nin bi nyanggon gato kem more ki ndo mo nin dom. Men ku yu it yo, men i yu tepsu men yedik mo Yefun Allah bi rus-i et.

21Ji gato gum do Paulus ki ndo mo nin. Ji dakai krom sukdu wokgan mo bur ré wa nin.

22Yefun Allah ete dufo mo ye gato yo bi sukjimnut sye kas subot men bi Yekwesu Yefun Yesus nde. Men bi Yekwesu, Nan ete ma kekro sor!

23Men bi Yekwesu Yefun Yesus ete mewa nin sino mone sor.

24Nin yé gato bi Yekwesu mo Yesus Kristus ne, ji bi sukjimnut sye kas subot nin sino. Sangge. Ndo mo nin sor, kadit Paulus



 <<  1 Korintus 16 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel