1Men iwa men ba ku nin mo Tesalonika, men mit iwa men ku nin. Sukjimnut ne ben men sane sor men yo ndo o nde, sane anato men ka gri nut do, ndo sa, men ka we wadigan kem mo kota Atena,
2ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.
3Sane kapre men sino ku sukye, nin yo brek kadit Yefun bi os-i nde. Nin dakai jam do, Yefun Allah fro sukye wa men sino ku re.
4Tomgato men si nin kem mone sino tó, men ki sukdu nai nin sare do, bere men sino ku sukye. Sangge, sukye ne bor it, nin dakai jam re.
5Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin sawe ben nin ges mo os ibit re. Sane bere suk mwa gato men ben su nin yo ós nin o nde.
6Su ré Timotius satu ma more re. An ma ki nai men do, nin onyar kem mo Yesus Kristus tó, nin bi sukjimnut sye kas subot yu tó, sane men mit iwa sukdu ne. An ki o do, nin jimnotbot men ndo nde. An ki do, nin mit iwa ku men, tepsu men dom, men mit iwa ku nin.
7Saneyo, men bi nji, men bi nyanggon, kapre men ku sukye mwa gato ben men kwabom dek bot suk mwa neya, su ré men mit ndo satu, we men jam do, nin onyar kem mo Yesus Kristus sor, nin yo brek kadit Yefun bi os-i nde.
8Sane, ré ne, men mit ndo wai o re, men kem sisu ndo sor, we men jam do, nin onyar kem mo Yesus Kristus pe sor, nin si Yefun tepsu yedik re.
9Men jam sukdu subot nin sa, men mit at wa, sane men ki ndo mo Yefun Allah wa nin, men ki ndo mo An sor, bere yo or nde.
10Noru nombrak men ki suk su Yefun Allah, subere Yefun kak os wa men ba ku nin satu o, subere men duno nin subot suk gato nin yo jam ri nde tó, subere nin onyar kem mo Yesus Kristus nggi wai o et.
11Men bi Ai, Yefun Allah dakai, si men bi Yekwesu Yesus Kristus ete fro os wa men ba ku nin mone et.
12Men bi Yekwesu Yefun Yesus ete ben nin sane sor nin bi sukjimnut sye kas subot yu mwa o et. Yefun ete ben nin bi sukjimnut sye kas subot yé mwa ne sino sye wai kadit nyim neya, tepsu men bi sukjimnut sye kas subot nin re.
13Sane bere Yefun ben nin mit kem mo Kristus nggi wai o, subere men bi Yekwesu Yefun Yesus si ye gato sok mo An bi nje-i ne, satu ma mo bur ré yo, bere nin ti mo men bi Ai, Yefun Allah gwem, ete bere nin tepsu ye gato ben nin bi suk-i ndo sor, kwa gato ibit yo mo nde.
<< 1 Tesalonika 3 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel