1Sane ji dakai nut mo ji syidem do, ji yo ba ku nin o nde yei, sawe ji do ba ku nin mone yo, bere ji ndantom nin ete ben nin sino bi sukjimnut ibit teker o re. Or o nin waii ben ji bi sukjimnut ibit mone dom re.
2Ji do ben nin bi sukjimnut ibit it yo, bere je u anato ki sukdu gato ndo wa ós ji ne? Bere nin bariwa re. Ji do ben nin bi sukjimnut ibit it yo, sane bere nin ki sukdu wa ós ben ji mit ndo sa u ne?
3Sane ji yo ba nde tó, ji krom surat dik yo wa nin nyim wé et, subere nin kwet kadit os ibit, subere ji do ba ku nin it yo, nin sibot os ndo sor. Sane bere nin yo ben ji bi sukjimnut ibit mone nde, wo nin ben ji mit at mo suk gato nin ben ne sor, we ji jam do, sangge, ji mit at mó yo, bere nin si ji mit at sino dom.
4Ji krom surat gato nyim wa nin ne, ji nutbot nin ndo nde, ji baoku nin, ji wo, ji gro rom sye wa nin, ji nutbot nin ware, ji kaim rere mone. Sane ji krom surat gato nyim ne wa ben nin bi sukjimnut ibit nde, wo ji krom surat ne wa kak nin bi sukjimnut subere nin jam do, ji bi sukjimnut sye kas subot nin ndo nde.
5Yetu ge dik yo ben sukibit gato ben yetu ge dik yo o bi sukjimnut ibit mó it yo, suk ne yo kom mo ji teker eta nde, wo sukibit ne ben sato syimfar nin sino mo Korintus sor. Sukibit ne yo syimfar nin sino kai nde, wo sukibit ne syimfar nin ge bok yo sor re.
6Ye gato ben sukibit ne, nin yé bok ne sino syo sukye nai an tepsu sukibit gato an ben ne mó re, sane tut mone, tep it.
7Sane yo, su ré nin maskwa an mo sukibit gato an ben ne o nde, nin nutbot o nde, wo nin bidek an subere an yo mas tut mone teker eta o nde.
8Sane ji kiwa nin ben sukndo su an et, subere an jam do, nin jimnotku an sisu sangge.
9Suga nyim ne ji krom surat dik yo wa nin, subere ji me mone do, nin ben nin bi suk-i sa u ne? Nin benbot suk gato ji krom mone bado, nde e? Ji iwa ji me mone do, nin syo sukye nai ye gato ben sukibit ne bado, nde e?
10Nin maskwa nje mo sukibit gato ye ne ben ne o nde, nin nutbot sukibit ne o nde yo, sane bere ji dom yo nutbot sukibit ne o nde. Sane ji ki do, ji yo nutbot sukibit gato ye ne ben ne o nde yo, ji tom mo Kristus gwem do, ji dom yo nutbot sukibit ne o nde it, subere ji ós nin mone.
11Ji ós nin sare do, ji yo nutbot sukibit ne o nde, subere biris bi yekwesu yo ku os wa ben kidar men nde, we men jam an bi os-i ware.
12Ji mu mo kota Troas wa ji kibot os ndo gato Kristus kak wa men yetu ne. Ji mu kom mone sa, Yefun Yesus kak os wa ji kibot sukdu mone.
13Sarewo ji bi sukjimnut waiyu mone tó, we ji yo ku men bi nji, Titus mone nde. Ji iwa ku Titus subere ji jam sukdu subot nin, ye Korintus, ware, ji yo ku Titus mone nde. Sane ji ki nai nje mone do, ji mu mo bur Makedonia o et, orete ji mu kadit án re.
14Men ki ndo mo Yefun Allah, we An gwat men tepsu Kristus bi rus-i gato An but ne ma wa yé mwa neya sokwa ete bes Kristus gum kok mone. Yefun Allah nai men wa men ki sukdu subot Yesus Kristus frekbot peyo-peyo. Men ki sukdu ne frekbot pe mwa ne tepsu nofuf gwat suk gato grik ndo frekbot peyo-peyo.
15Men ki sukdu subot Yesus Kristus frekbot nje mó re, we men anato tepsu suk gato Kristus gre gato i-bu ne grik, ete grik ne kom mo Yefun Allah gwem, Yefun Allah iwa re. Ye gato bere ges mo bot gesyos su kam sari ne ma yo, án nutbot sukdu gato men ki frekbot nje ne do, sukdu ne basmi kwik tepsu suk gato kwop ne mukri basmi. Sarewo ye gato sok mo Yefun Allah bi rus-i ne, án nut do, sukdu gato men ki ne tepsu suk gato grik ndo. Je u anato nggiwa ki sukdu frekbot nje tepsu suk gato grik ndo ré ne? Bergan men yo ku ye yo gato sane nde go!
16(2:15)
17Men ki subot Yefun Allah bi sukdu-i yo, men meret sugum su dom nde, tepsu yé mwa neya ben ne. Men ben sane nde, wo men sok mo Kristus bi rus-i anato men ki subot Yefun Allah bi sukdu-i ri-roi sor, Yefun dakai jam re. Men anato ye gato Yefun Allah bes wa ki Yefun bi suktaru nai nje jam re.
<< 2 Korintus 2 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel