Alkitab Mobile SABDA
[VER] : [ABUN]     [PL]  [PB] 
 <<  2 Timotius 4 >> 

1Kam sari ne ma, ete bere Yesus Kristus satu ma mo bur ré wa ndobot yetu mwa ne sino, ye gato mbau si ye gato kwop ne sino. Bere Yesus Kristus ma jowa men yetu ne sino tepsu men bi Yekwesu. Ji kiwa nan tom su ji mo Yefun Allah si Yesus Kristus gwem subere nan benbot suk gato ji ki ré et:

2Nan ki subot os ndo gato Yefun Allah fro wa yé mwa jam sisu ndo et. Nan duno nje gat, ye bari o, ye iwa o, nan duno nje gat sor. Nan me ye gato ben sukibit yo, nan ki mo án, nan ndantom án subere án kwet kadit sukibit gato án ben ne, ete án ben suk gato ndo. Nan wergat nje subere án benbot sukduno gato nan duno án su ne. Nan duno nje sisu njep sor. Kapre ye yo jammo nan bi sukduno kekro nde, nan maskwa wokgan dom nde, wo nan werwa kom-kem petok sor.

3Nan duno nje gat sor, we kapyo tak bere yé bariwa sukduno gato sangge, wo yé iwa yé jam sukduno gato tepsu án mit sor. Bere án sum yeguru bok yo gato duno án su sukduno gato án iwa án syaretwa ne sor re.

4Bere án bariwa án jam sukduno gato sangge, wo án iwa án jam sukdu suski sor re.

5Án do bariwa sukduno gato sangge yo, nan mewa nan nggwa subere nan bi sukjimnut kak mo suk mwa petok sor. Kapre nan ku sukye o, nan misyar Yefun nde, wo nan simo Yefun pe sor. Nan ki sukdu subot os ndo gato Yesus Kristus kak ne nai ye gato jam nde Yefun. Nan ben Yefun Allah bi suk-i mwa ne sino sor kom mo pe gato or mó, nan misyar kwa dik yo dom nde.

6Nan sa, nan duno nje, wo ji dakai, yo nam nde ge, bere ye gu ji kwop wé tepsu ye gu suge wa som Yefun su ne. Karowa ji mu kadit bur ré it anare.

7Ji sa, ji wergat ji nggwa sor kom mo pe gato or mó, tepsu ye gato kas bitanding yu kas sor kom mo pe gato or mó. Ji sa, ji onyar kem pe mo Yefun Yesus sor kom mo pe gato or mó, ji yo brek kadit An nde.

8Ré yo, Yefun Allah fro suk gato bere An syo nai ji mo suk gato ji ben ne, Yefun fro ndek. Bere kam gato bur ré kru re, men bi Yekwesu Yefun Yesus ma ndobot men yetu mo bur ré. Bere Yefun ndobot men sisu ri-roi sor. Bere Yefun syo suk gato An fro ne nai ji mo suk gato ji ben tepsu An mit re. Bere An syo suk gato An fro ne nai ji wadigan sor nde, wo An syo nai ye gato eswa Yefun Yesus satu ma mo bur ré su án mit iwa wai ne dom.

9Nan wergat nan dakai subere nan ma ku ji kekro et,

10we, Demas mu kadit ji re. An bi sukjimnut sye mo suk mwa mo bur ré re. An mu kadit ji, an mu mo kota Tesalonika. Kreskes mu mo bur Galatia, Titus mu mo bur Dalmatia.

11Lukas wadigan sor anato si ji kem more tó. Nan mu kar Markus, ete nan si an ma more, we Markus sa, bere ós ji ben Yefun bi suk-i.

12Ji syogat Tikhikus mu mo kota Efesus.

13Nan ma it yo, nan gwat ji bi sun nogi gato ji grem kem su Karpus mo kota Troas. Nan gwat ji bi buku bok ne dom. Nan mbrinket buku bok yo gato ye krom mo suge da ne dom nde.

14Aleksander gato ben suk su tembaga ne, an ben sukot wai nai ji o re. Bere Yefun Allah waii ben suk yo nai an tepsu sukibit gato an ben nai ji ne re.

15Nan mewa nan nggwa kadit an, we an maskwa ket men, an duwer men mo sukdu gato men ki nai nje ne.

16Su ketke ye gwat ji mu mo yepasye wa yepasye ne ndobot ji mo sukdu gato ji ki ne sa, ji wadigan ki suk sor re. Ji bi yesyim bok yo misyar ji re, yé yo ós ji mo nde. Ji ki suk su Yefun wa yé gane subere Yefun Allah yo ben sukye nai án mo gato án misyar ji ne nde.

17Ye yi yo ós ji nde, wo Yefun Allah sa, sisu ji. Yefun Allah ben ji nggi, subere ji ki sukdu subot os ndo gato Yesus Kristus kak ne. Yepasye ndobot ji sa, yewis yi mone jam sukdu subot os ndo gato Yesus Kristus kak gato ji ki ne dom re. Yé da iwa gu ji kwop wé, sarewo Yefun nai ji kadit re.

18Sane dom, yé da syeret os wa futma gu ji ket kwayo-kwayo, sarewo Yefun Yesus ós ji kadit yé mwa ne sane sor kom mo kam gato An gwat ji mu mo An bi nat-i mo gu re. Sane men bes An gum kok to kapyo mato kapyo. Sangge.

19Nan ki nai Priska si Akwila do, ji ki ndo mo an we. Nan ki nai Onesiforus si bi rus-i do, ji ki ndo mo án sino dom.

20Erastus kem mo kota Korintus. Trotimus, an i mo kota Miletus, sane ji mu kadit an, an kem mone tó.

21Nan wergat nan dakai subere kom mo aina gato nden dek nde tó, nan ma ku ji more nyim wé re. Ebulus, Pudes, Linus si Klaudia si yé mwa ne sino gato onyar kem mo Yesus Kristus, án ki ndo mo nan.

22Yefun ete sisu nan sor. Yefun ete mewa nin sino mone sor. Ndo mo nin sor, kadit Paulus



 <<  2 Timotius 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel