Alkitab Mobile SABDA
[VER] : [ABUN]     [PL]  [PB] 
 <<  2 Yohanes 1 >> 

1Ji, gato yekwesu mo nu ari anato krom surat ré wa nan, nggongras gato Yefun Allah bes wa nan ben Yefun bi suk-i. Ji krom surat ré wa nan si nan bi pa-i gato ji jimnotku ndo nde. Ji jimnotku nin sor nde, wo ye mwa ne sino gato jam Yefun Allah bi sukdu gato sangge ne jimnotku nin dom,

2we Yefun Allah kem mo men mit si men onyar, Yefun sisu men petok sor to kapyo mato kapyo.

3Men bi Ai, Yefun Allah si men bi Yekwesu, Yesus Kristus ete mewa men, Yefun Allah si Yesus Kristus ete jimnotku men, Yefun Allah si Yesus Kristus ete uttok men petok sor. Yesus Kristus anato men bi Ai bi Gan. Yefun Allah si An bi Gan ete sisu men yé gato bi sukjimnut sye kas subot yu ete jammo An bi sukdu gato sangge ne sor.

4Ji jam do, nggongras, nan bi pá deyo benbot Yefun Allah bi sukduno, tepsu Yefun Allah syogat men ben ne. Sane ji mit iwa wai o re.

5Nggongras, ji krom sukduno kwa be wa nan nde, wo ji krombot sukduno kwa dik yo gato nan jam kadit ketke nan onyar kem mo Yefun Yesus ne it. Ji ki sare do, men bi sukjimnut sye kas subot yu et.

6Men bi sukjimnut sye kas subot yu it yo, ber men ben men bi suk-i sato ré: men benbot Yefun Allah bi sukduno. Sukduno gato nin jam kadit ketke nin onyar kem mo Yefun Yesus ne anato Yefun syogat subere men bi sukjimnut sye kas subot yu et.

7Yé mwa gato kidar suk frekbot bur ré iwedewe mó re. Ye gane ki bi sukdu-i sare do, "Yesus Kristus ma mo bur ré yo, An yo ma su kaim tepsu yetu nde." Ye gato ki sukdu sane, an kidar, an ki bi sukdu-i tepsu yekwesu mo yeko wa Kristus.

8Sane nin mewa nin nggwa subere suk gato men ben wa ós nin yo ges kadit nin nde, wo nin wergat nin nggwa subere Yefun Allah syo suk mwa nai nin dakai or sino tepsu suk gato nin ben ne.

9Ye gato yo jom Yesus Kristus bi sukdu-i pe nde, wo mu brek bot os yi kadit ne yo, ye ne yo si Yefun Allah tepsu dik nde. Ye gato jom Yesus Kristus bi sukdu-i krat yo, ye ne si men bi Ai, Yefun Allah si bi Gan ne tepsu dik sino.

10Sane ye gato ma, ete an ki bi sukdu-i tara kadit Kristus bi sukdu-i ne it yo, nin kendo ye ne ma si nin kem mo nin bi nu-i nde. Nin ós an mo suk gato an ben mone dom nde,

11we nin do kendo an ma it yo, tepsu nin ós an mo sukibit gato an ben ne.

12Ji iwa ji krombot sukdu mwa yo ó wa nin, sarewo ji bariwa ji krom mo kertas su tinta. Ji iwa ji dakai ba ku nin mone, ete ji ki ji bi sukdu-i nai nin mone, subere men sino mit iwa wai o re.

13Nggongras, nan bi njim bi pá gato Yefun Allah bes wa ben An bi suk-i ne ki ndo mo nan.



 <<  2 Yohanes 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel