1Suga nyim tuya, Yefun Allah bes ye Israel ge bok yo tepsu yekwesu gato gum kok wai mo Yefun Allah bi nu. Yekwesu ne ben suk tepsu yegweswai wa Yefun Allah si ye Israel. Yekwesu ne tepsu ye gato mo miten wa Yefun Allah si An bi rus-i. Suksom gato Yefun Allah bi rus-i ne syo wa som Yefun Allah su ne, yekwesu ne syo nai Yefun Allah. Yekwesu ne gu suge ne kwop tepsu suktot wa tot sukibit gato ye Israel ben ne wé dom.
2Yekwesu ne dakai yo nggi nde, án tepsu yetu mo suk mwa ne sino, án jam án nggwa mone, sane anato bere án bi sukjimnut kak wa án ben án bi suk-i ne njep su ye gato jam suk nde, án ben án bi suk-i ne njep su ye gato muket os siri ne.
3Yekwesu ne dakai ben suk siri kadit Yefun bi sukdu dom, sane anato án gu suge kwop tepsu suktot wa án tot sukibit gato ye Israel ben ne sor nde, wo án gu suge kwop tepsu suktot wa án tot sukibit gato án dakai ben ne dom.
4Yetu ge dik yo dakai bes nggwa tepsu yekwesu ne mo nde, wo Yefun Allah dakai bes an gum tepsu yekwesu, tepsu Yefun bes Harun ne.
5Sane dom, Yefun Allah bes Kristus. Kristus dakai yo bes nggwa tepsu yekwesu gato gum kok wai mo Yefun Allah bi nu nde, wo Yefun Allah bes An ete ki nai An do, "Nan anato tepsu Ji bi Gan. Su kam ré it, Ji anato tepsu Nan bi Ai it."
6Yefun Allah ki mo bi sukdu mo nat yi yo o do, "Nan anato gum yekwesu mo Yefun Allah bi nu to kapyo mato kapyo. Nan tepsu yegweswai gato sok mo Melkisedek bi de-i."
7Yefun Yesus kem mo bur ré tó sa, An ki suk su Yefun Allah, An benadi, ete An wo su. An ki suk nggi su Yefun Allah gato nggiwa nai An wé kadit yé gato iwa gu An kwop ne. Yefun Yesus iwa jammo Yefun Allah, sane anato Yefun Allah iwa jam suk gato An ki nai Yefun Allah ne.
8An gum Yefun Allah bi Gan, sarewo sukye gato An ku ne tepsu sukduno wa An, subere An benbot suk gato An bi Ai imo.
9Sane An ben suk mwa gato Yefun Allah fro wa An ben ne or sa, An kak os wa men yetu gato jammo An muket, subere An nai men wé kadit bot gesyos, subere men kem ndo to kapyo mato kapyo.
10Yefun Allah bes Yefun Yesus gum Yekwesu gato kok wai o re, tepsu yegweswai gato sok mo Melkisedek bi de-i.
11Ji bi sukdu mwa gato ji iwa ji ki subot Yekwesu gato gum kok wai, Yesus Kristus ne, sarewo ji werwa ji ki rer nai nin jam, bere sukye, we nin yo nggiwa nin but sukdu ne kekro nde, nin bi sukjimnut yo kak ndo nde tó.
12Nin da jam Yefun Allah bi sukdu nam it. Men nut do, ye gato jam sukdu nam bere nggiwa duno ye yi su sukdu ne o, sarewo men me do, nin yo nggiwa duno ye yi su sukduno ne nde tó. Nin jam suk kom mo pe yo nde tó. Sa ndo sa, ye ba duno nin su Yefun Allah bi sukdu mo i-ke ne satu o et. Nin bi sukjimnut kak tep wa nin jam sukduno gato kru nde tó. Nin tepsu pabom gato da sus rom sor, nin yo tep wa nin git sugit krat nde tó.
13Pa gato da bi im sus rom tó yo, pa ne tepsu pabom tó. Suk gato pabom ben ne pa jam nde os koirut ware, ndo bado, ibit bado, pa jam nde wa.
14Sarewo ye gato jam Yefun bi sukdu kom mo mit, an bi sukjimnut kak tepsu yenggras. Yenggras sor ete git sugit gato krat. Ye gato ka yenggras, án sa, án jam Yefun bi sukdu gato kru ne nam it, tepsu án git sugit gato krat ne nam it. Sane yenggras jam suk gato ndo si suk gato ibit ne kom mo mit re, yenggras o mó it.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel