1Sane it yo, men yo krom sukdu subot Yesus Kristus mo i-ke ne o nde yei. Sukdu gato ndaf mo i-ke ne tep wa ye gato jam Yefun sim, tepsu pabom da sus rom sim, wo ré ne, men ki subot sukdu gato kru o et. Men krombot sukdu kru gato tep wa yenggras mo Yefun Allah bi sukdu-i ne et. Men krombot sukdu gato ndaf mo i-ke ne o nde yei, sukdu bok gato mo i-ke, men kibot mó re, sato ré do, men kwet kadit sukibit gato men ben ne, ete men ben suk tepsu ye gato onyar kem mo Yefun Allah ne sor.
2Sukdu bok yo o gato ndaf mo i-ke ne mó, sato ré: sukdu subot ye ras nje mo syur e, sukdu subot ye ak syim mo nje wa bes an wa ben Yefun bi suk-i mo pe yo e, sukdu subot kam sari, bere Yefun sun nje kadit sukkwop e, sukdu subot ye ku sukye mo bot gesyos to kapyo mato kapyo e ne.
3Yefun Allah imo yo, men wai kadit sukdu bok gato mo i-ke ne, ete men krombot sukdu gato kru ne o et.
4Men krombot sukdu gato kru ne o, we ye gato ketke onyar kem mo Yefun Allah, orete an bariket Yefun Allah ete mu tara kadit Yefun bi os-i o re yo, men yo ku os wa kar ye ne satu ma mo Yefun o nde. Suga nyim Yefun Allah bi sukdu gato rer ne, an jam re. Yefun Allah syo suk gato ndo nai an mó re. Yefun Allah Gen dom pet mo an mó re, an jam an nggwa mone it.
5Mo suk bok yo gato bor mo an dakai ne, an jam do, Yefun Allah bi sukdu ne ndo. Yefun Allah bi suktinggi gato bere bor sye su kam sari ne ma, bor mo an mó re.
6Sarewo an do bariket Yefun Allah ete an mu tara kadit Yefun it yo, bere men yo ku os wa kar an satu ma mo Yefun o nde. Men yo ku os wa duno an subere an brek kadit os ibit ete satu ma mo Yefun Allah o nde, we an do brek satu ma mo Yefun o it yo, tepsu an gu Yefun Allah bi Gan wam dik yo o anane. An do brek satu ma mo Yefun o it yo, tepsu an kamo su Yefun Yesus gum mo yé mwa gwem anane.
7Ye gato onyar kem mo Yefun Allah, an tepsu bur ka gato nogi wam bok yo mbras mone, bere sukjan mo bur det ne kom kur ndo wa ye gato ben nggwe mone. Ye gato ben nggwe ne ku suk mwa gato ndo kadit Yefun Allah mo an bi bur det-i ne.
8Sarewo ye gato onyar kem mo Yefun Allah, orete ri ma an bariket Yefun Allah it yo, an tepsu un si jak gato kom mo bur det ne. Bur det ne yo ndo wa sukjan o nde. Bere Yefun Allah dufo mo bur det ne, ete ri ma Yefun syo bot git es mo bur det gato ibit ne wé re.
9Sarewo ji bi nji ji bi nyanggon gato ji jimnotku, men da ki sukdu subot ye gato bariket Yefun, sarewo men bi sukjimnut kem mo nin sare do, nin sa, nin ben nin bi suk-i ne ndo wai kadit ye gane o re. Men nut do, sangge, nin ben nin bi suk-i ndo tepsu ye gato Yefun nai sok mo An bi rus-i wé kadit bot gesyos ne re.
10Yefun Allah ben An bi suk-i ri-roi petok sor. An yo mbrinket suk gato nin ben wa An nde, kwa dik yo dom nde. Suk gato nin ben wa nin ós ye Kristen yi kadit nyim neya kom more, nin ben sane, tepsu nin jimnotku Yefun Allah it anane. Yefun Allah yo mbrinket suk gato nin ben ne dom nde.
11Men mit iwa nin ben Yefun Allah bi suk-i sisu nin mit dik si nin onyar dik sane sor kom mo pe gato or mó, subere suk gato nin mit iwa ku ne, gato nin eswa ne, bere nin ku sor.
12Men bariwa nin bambrai, wo men mit iwa nin nutbot yé gato onyar kem mo Yefun Allah, yé ne eswa suk gato Yefun Allah tom su án ne sane sor suk ne bor mó re. Nin nutbot yé gane ete nin waii ben nin bi suk-i tepsu án et.
13Yefun Allah tom su Abraham, An syo An syim ete An ki An gum su do, "Bere Ji benbot suk gato Ji tom su nan ne sor." Ye yo gum kok wai kadit Yefun Allah yo mo nde, sane An dakai tom su Abraham sa, An dakai ki An gum mó.
14Yefun Allah ki do, "Ji tom do, sangge, bere Ji ben sukndo su nan sor, bere nan bi wis-i ne mwa."
15Sane Abraham kem ete eswa suk gato Yefun Allah tom su an, an eswa sane sane sor, suk gato Yefun tom su an bor mone, Abraham ku it.
16Men yetu tom suk su ye yi it yo, bere men syo men syim su, men syo men syim tok ye gato gum kok wai kadit men. Men syo men syim sane subere men yo duwer yu mo sukdu gato men kibot mone o nde, wo sukdu ne kwop mone it, sangge, bere men benbot sor.
17Sane dom, Yefun Allah iwa ki rer nai yé gato bere ku suk gato An tom ne, subere yé mwa ne jam do, suk gato Yefun Allah tom kwop mone it, bere Yefun yo brek kadit sukdu ne wokgan yo dom nde. Sane anato Yefun Allah ki suk gato An tom ne sa, An syo An syim su, An ki tok An dakai gum, subere yé jam do, sangge, bere Yefun yo brek kadit suk gato An tom ne nde, wo bere An benbot sor.
18Yefun Allah yo kidar subot suk gato An tom su men ne nde. Yefun tom suk su men, or o Yefun syo An syim su sukdu ne dom. Yefun ben suk we ne, anato men jam do, suk gato An tom ne kwop mone it. Sane anato men yé gato brek kadit sukdu yi neya ete kas ma jom suk gato Yefun tom ne, men yo mit we subot sukdu ne nde, wo men mit at wa sukdu ne wai o re.
19Men kwabom kam mo suk gato Yefun tom ne. Suktom ne tepsu kamutu gato jom kapal krat. Sane suk gato Yefun tom ne jom men krat, subere ye yo ku os wa gwat men mu mo os ibit nde, wo Yefun Allah uttok men, we men ut krat mo suk gato An tom ne. Men ut krat mo suk gato Yefun tom ne yo, ben sato men bi kamutu kas mu kom mo Yefun Allah bi gumwak fo mo Yefun bi nu mo gu ne. Men bi kamutu kom mo gumwak fo mit ne gato san det sye kok yawa, ete men bi kamutu kas mu mo san det ne de dari mo gumwak fo mit kai. Mone men bi kamutu ut krat mo Yefun dakai.
20Yefun Yesus duk os mu nyim mo men gwem sok mo gumwak fo ne it. An sok mone tepsu yegweswai wa men si Yefun Allah. Yefun Yesus ben suk tepsu yekwesu gato gum kok wai mo Yefun Allah bi nu wa men sane sor kem to kapyo mato kapyo, tepsu yegweswai gato sok mo Melkisedek bi de-i.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel