1Yefun Yesus kibot suk bok ré, orete An mu kadit bur Galilea, ete An mu mo bur Yudea mo Syur Yordan deta.
2Yé mwa boribot An, ete An ben ye gato i ne ge.
3Ye Farisi ge bok yo ma ku Yefun Yesus subere yé bok ne werwa meret os wa Yefun Yesus. Yé bok ne ndo mo Yefun Yesus do, "Men simo Musa bi sukduno-i ne yo, yekra ku os wa an sombok an bi nggon wé tepsu pe gato an dakai imo bado?"
4Yefun Yesus ki do, "Musa duno men do, su ketke Yefun Allah ut yetu, Yefun Allah ut yebris, Yefun Allah ut nggon. Nin baca mó bado, nde tó e?
5Yefun Allah duno men o do, 'Sane anato, yebris bere mu kadit an bi im si an bi ai, ete an si an bi nggon kem tepsu yetu ge dik sor, we ye we gato kra ne, an we tepsu dik it.'
6An we yo tepsu yetu ge we o nde, wo an we tepsu dik it. Yefun Allah ben yebris si bi nggon tepsu dik, sane anato yetu sombok an we ne wé kadit yu nde."
7Ye Farisi ndo mo Yefun Yesus do, "Sane, Musa duno men do, yekra gato iwa sombok an bi nggon wé ne yo, an krom mo surat do, an sombok an bi nggon wé it anare, orete an syogat nggon ne mu kadit an. Musa duno men sane wa suma ne?"
8Yefun Yesus ki do, "Musa misyar nin sombok nin bi nggon wé, we nin bariwa nin jammo sukduno gato ndo, nin onyar krat ware. Wo su ketke sane nde.
9Ji ki sare do, ye gato sombok an bi nggon wé, wo nggon ne yo ben siri ses an mo nde, orete an kra nggon yi yo o it yo, an ben suk siri ses an bi nggon doketke anane."
10Sane Yefun Yesus bi pakon ki nai An do, "Nan ki sukduno subot yebris si bi nggon gato an kra, sane it yo, sa ndo sa, men kra nde."
11Yefun Yesus ki do, "Yetu ge bok yo sor anato nggiwa an kra nde, sagato nin ki ne. Yefun Allah ben yé bok ne nggiwa sor.
12Án deyo kra nde, we án kaim yo tep wa sem su nggon nde kadit bi im kem su án ne it. Deyo o, yé tik koijo wé ete ben án kaim yo tepsu sem su nggon nde. Deyo o, dakai bariwa sem su nggon, subere án bi sukjimnut ne sye wa ben Yefun Allah bi suk-i. Ye gato nggiwa jom sukdu ré yo, ye ne jom ete benbot et."
13Yetu ge bok yo gwat an bi pa wokgan ma mo Yefun Yesus subere Yefun Yesus ak syim mo pa ne, subere An benadi wa pa ne. Yefun Yesus bi pakon me yé gwat pa wokgan ne ma sa, pakon ne maskwa, pakon ndantom ye gato gwat pa wokgan ma ne.
14Wo Yefun Yesus ki do, "Nin misyar pa wokgan ma mo Ji sor, nin duyawa nde, we ye gato jammo Ji tepsu pa wokgan jammo bi ai, bere Yefun Allah jowa ye ne."
15Sane Yefun Yesus ak An syim mo pá bok ne sino, orete An mu kadit nat ne.
16Pa yemsok dik yo ma ku Yefun Yesus, ete pa ndo mo Yefun do, "Yeguru, ji ben sukndo sato suma subere ji kem ndo to kapyo mato kapyo ne?"
17Yefun Yesus ki do, "Nan ndo Ji subot suk gato ndo ne wa suma ne? Yefun Allah sor ete ndo. Nan do iwa nan kem ndo to kapyo mato kapyo it yo, nan benbot An bi sukduno-i sor."
18Pa ne ndo do, "Sukduno kwa u ne?" Yefun Yesus ki do, "Nan gu ye yi kwop daret nde, nan ben siri daret nde, nan syimsi suk nde, nan ndak ye yi gum su sukkidar nde,
19nan jammo nan bi ai si nan bi im, nan bi sukjimnut sye kas subot ye yi tepsu nan bi sukjimnut sye kas subot nan dakai et."
20Pa yemsok ne ki do, "Sukduno bok ne sino, ji benbot re, wo ji ben suma o ne?"
21Yefun Yesus ki nai pa ne do, "Nan iwa nan ben suk mwa ne ndo sino yo, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et."
22Pa yemsok ne jam sukdu gato Yefun Yesus ki ne sa, pa jimnutbot ndo nde. Pa mu kadit re, we pa bi sukjimnut sye mo an bi suk mwa ne.
23Sane Yefun Yesus ki nai bi pakon ne do, "Suk gato Ji ki ré suksangge anare, ye gato bi suk mwa iwa an gum sok mo Yefun Allah bi rus-i ne yo, bergan os ne yé teker wa an re.
24Ji ki o sare do, te suge sye gato gum do unta sok ket sum parke wak mó bado, nde e? Yo sok mo nde, sukye teker ware. Sane dom yé gato bi suk mwa iwa án gum sok mo Yefun Allah bi rus-i yo, suk ne tepsu sukye teker wa án re."
25Pakon jam sukdu ne sa, án yeket, án ndo do, "Sane bere je u anato ku os wa sok mo Yefun Allah bi rus-i ne?"
26Yefun Yesus sokbot pakon ne, ete An ki do, "Yetu yo bi os mo nde, wo Yefun Allah sa, bi os mó; mo suk mwa ne sino gato Yefun Allah iwa ben ne yo, Yefun nggiwa wai mó re."
27Orete Petrus ki do, "Men gare, men misyar men bi suk mwa gato men ku ne sino kem, ete men simo Nan, sane bere men ku suma ne?"
28Yefun Yesus ki nai bi pakon do, "Suk gato Ji ki ré suksangge anare, kam sari ne ma ete suk mwa ne be ete Yetu bi Pa gum Yekwesu gato kok sye wai o re yo, bere nin ge musyu dik sop we gato simo Ji waii gum yekwesu dom. Bere nin ndobot ye Israel bi yewis ge musyu dik sop we mone.
29Yé mwa ne sino gato misyar bi nu e, bi nji e, bi nyanggon e, bi yenggras e, bi pa e, bi bur det e ne subere an mu ben Ji bi suk-i yo, bere Yefun Allah win suk mwa gato an misyar ne mu kom mo wam wotin dik yo, ete bere án kem ndo to kapyo mato kapyo.
30Wo yé mwa gato ben Ji bi suk-i nam, bere án ku suk wari, ete yé mwa gato ben Ji bi suk-i ne yo nam nde, bere án ku suk nyim."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel