1Orete ji sokme malaikat ge dik yo o gato nggi is ma kadit gu. Ben sato malaikat ne pis nyotem sato yetu pis san pis ne. Bres dik yo kem wairi wa an su. An gro ru nggi tepsu kam su. An gwes tepsu kwedi gato bot ru mó.
2An jom buku wokgan. An jom buku ne kak mo an syim. An gwes syim ge ti mo sem, wo an gwes syim jam ti mo nden,
3ete an ba syo-i sye tepsu singa ba ne. An ba syo-i sye or sa, nogu pu wam mufit.
4Nogu pu wam mufit sa, bergan ji nut do ji krombot sukdu gato ji jam kadit nogu ne, sarewo ji jam yetu ge dik yo ki sukdu kadit gu sare do, "Nan gurik sukdu gato nan jam kadit nogu gato pu wam mufit ne, nan krom nde."
5Orete malaikat gato ji sokme gwes dik yo ti mo sem si gwes dik yo ti mo nden ne bes an syim ge mu nim mo gu.
6Malaikat ne bes syim ge mu nim sa, an tom su do, gu ana nim ne, bur ana ré. An tom yi nde, wo an tom su Yefun Allah gum. An ki do, Yefun Allah anato gesyos, Yefun Allah anato ut suk mwa mo gu nim e, bur ré, si sem ne sino. An tom su Yefun Allah gum sare do, "Men yo eswa o nde,
7wo malaikat kedomufit do fuf an bi trompet-i ne ba it yo, suk gato Yefun Allah fro wa ben ete gurik kadit yetu ne, bere bor re. Yefun ben suk ne bor tepsu bi kam gato Yefun Allah frot nai An bi pakwerut gato ye kendo do yenabi ne."
8Orete ye gato ji jam ki suk mo gu ne, an ki sukdu nai ji wam dik yo o sare do, "Nan mu nai buku gato kak mo malaikat gato gwes dik yo ti mo sem, gwes dik yo ti mo nden ne, nan nai buku kadit malaikat ne syim et."
9Sane ji mu ku malaikat ne, ete ji ndekwa an syo buku wokgan ne nai ji. Malaikat ne ki nai ji do, "Nan nai sor. Nan nai ete nan git. Nan git buku ne yo, bere wik tepsu for rom, sarewo ri ma nan mit ndó su."
10Sane ji nai buku wokgan gane kadit malaikat syim ete ji git. Ji git buku ne sa, wik tepsu for rom, wo ji git, orete kom mo rut sa, ji jam ji mit ndó su.
11Orete ji jam sukdu do, "Suk mwa gado to nan me ne, gato Yefun tarubot nan ne, nan mu nan waii kibot subere yé mwa ne sino jam et. Sukdu gato Yefun Allah tarubot nan anato sukdu subot suk gato bere Yefun ben su yetu mo buryo-buryo e, wisyo-wisyo e, ayo-ayo si yepasye deyo-deyo e neya. Nan kibot sukdu ne nai yé mwa ne jam et."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel