1Ji sokme suk gato yé mwa ne sino ben ne or sa, ji sokme malaikat ge at ti mo bur ré nap at. Malaikat ge at ne butwa nobu nim e, nobu ket e, nobu njot si nobu sem ne sino, subere nofuf ne yo kas ti mo bur nde, yo kas ti mo sem nde, yo kas ti mo kwe dom nde.
2Ji sokme malaikat ge dik yo o gato ma kadit nobu nim it mu mo gu. Malaikat ne gwat Yefun Allah gato gesyos ne bi ja gato Yefun syat wa An bi rus-i. Yefun syat ja wa bi rus-i ne gedik-gedik mo án git det subere ye jam do, ye ne sok mo Yefun bi rus-i it anane. Malaikat ne saiye nai malaikat ge at gato ku suktinggi wa ben bur si sem ibit ne.
3Malaikat ne ki do, "Nin misyar nobu kas ti mo bur nde tó. Nin misyar nobu kas ti mo sem nde tó. Nin misyar nobu kas ti mo kwe dom nde tó. Nin misyar nobu kas ben suk bok ne ibit nde tó yei, sane sor men syat ja wa Yefun bi rus-i or wé et. Men krom sukdu, men syat ja wa Yefun Allah gato jom men ne bi pakwerut git det or wé, ete nin misyar nobu kas ti mo suk bok neya sor."
4Sugane ji jam ye ki yetu ge gato ye syat ja mo án git det ne kom mo yetu ge 144.000 re. Yetu mwa ré sok mo ye Israel bi yewis-i musyu dik sop we.
5Ye gato ye syat ja mo án git det ne anare: Yehuda bi wis-i ge 12.000, Ruben bi wis-i ge 12.000, Gad bi wis-i ge 12.000,
6Asyer bi wis-i ge 12.000, Naftali bi wis-i ge 12.000, Manasye bi wis-i ge 12.000,
7Simeon bi wis-i ge 12.000, Lewi bi wis-i ge 12.000, Isakhar bi wis-i ge 12.000,
8Zebulon bi wis-i ge 12.000, Yusuf bi wis-i ge 12.000, si Benyamin bi wis-i ge 12.000.
9Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.
10Yé mwa ne saiye nggi do, "Yefun Allah gato kem mo An bi kursi ne, Yefun gato jom men ne anato fro os wa nai men wé kadit sukye ne re. Domba Gan anato kak os wa nai men wé kadit sukye subere men kem ndo to kapyo mato kapyo ne or re."
11Malaikat mwa ne sino ti wairi wa kursi ne. Malaikat mwa ne ti wairi wa yenggras ge musyu we sop at sisu suge at ne. Orete án sino bare nggwa mo kursi ne gwem ete som Yefun Allah.
12Malaikat mwa ne sino ki do, "Sangge. Men un Yefun Allah gato jom men. Men bes An gum kok sye wai o re. An sa, jam suk rer kom mo mit re. An nggi wai kadit suk mwa ne. An jom suk mwa ne sino. Sane men un Yefun Allah et. Men ki ndo mo An su kapre to kapyo mato kapyo. Sangge."
13Orete yenggras ge dik yo ndo mo ji do, "Je u anato it san kwo ré ne? Yetu mwa gare ma kadit u ne?"
14Ji ki do, "Yenggras, nan dakai jam re." Sane yenggras ne ki nai ji do, "Yé mwa ré ku sukye ndo nde, ete án ti fro kadit sukye ne re. Ben sato yé mwa ne mus án bi san su Domba Gan dé anato án bi san ne kwo ndo re.
15Sane anato án ti mo Yefun Allah gwem. Án ben Yefun bi suk-i noru nombrak sor mo Yefun bi nu. Bere Yefun Allah gato kem mo An bi kursi sisu án, ete mewa án sino.
16Bere án yo on de o nde. Bere án yo sosa o nde. Bere kam yo gat án da yó o nde. Nofuf kam yo kas gat án da yó o nde.
17Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel