1Ingkämmua' solasohongku ungnginsammia' ungngoatee dai labu' kasuleangki' tama di alla'-alla'mua' aka' malakoa' untahimbo Kaheba Mapia.
2Setonganna ungnginsang toe'a' ungngoatee puhaang didahha anna dipakauho-uho di hao di Filipi naonge dakang mating. Moinnakato anna mai'di tau mampa'baliang, ampo' malakang bahani mating umpainsangngikoa' Kaheba Mapia aka' naduluiang Puang Alataala.
3Yato kara pepakaenga'ki' tadia tula' salao-laona, datoi lemba' yaling mai di pahtuyu karake, tadia toi pa'bulitu'.
4Ampo' aka anna ma'tula'ang, dai la umpamahasa kaleang inahanna hupatau, ampo' umpamahasa inahanna Puang Alataala ang umpangngitai ihsi inahanna mesa-mesa tau. Dianto anna naangka'mang Puang Alataala la sihatang umpepainsangnging Kaheba Mapia.
5Anna ungnginsangngia' ungngoatee daang manse'de'. Datoi aha yaling di inahangki' ma'pihki' karake ang la umpohukia'. Yaling di kaha-kaha indee Puang Alataala mansa'bii.
6Anna datouang mengkähäng aka' kioatee anna malai napudiang hupatau, noa dioa', noa tau senga'. Setonganna sihatang toe' ponna ke kipalauikoa' aka ang kipahallu aka' rasulnaang Kristus.
7Ampo' malunä'ang di alla'-alla'mua' sinnoa mesa indo ang undama manahpa änä'na.
8Noantoo aka' pa'kalemungki' mating nasuhung kibeakoa' sibaha kakahsiang Kaheba Mapia yaho mai di Puang Alataala. Dai dia supu, ampo' sadia touanne' umbeho salu katuhoangki', moi aka la dibabeingkang aka' kikalemuikoa'.
9Ungkalehai loloke'a'tee' ingkämmua' solasohongku, kiaka noa untanang sikungki' mengkähäng allo bengi, aka' kioatee dai kiaku la unsuhsai moi poro la mesa tau yato lella'ang kipainsangngikoa' kaheba mapia yaho mai di Puang Alataala.
10Tuho maseroang anna maroho, dai aha sallaangki' di hao di olomua' ang mampetahpa' dai' di Kristus. Ingkänna yatoo unsa'bii asangnga' sibaha Puang Alataala.
11Ungnginsangnga' simesa-mesa umba noa pengngoya'ki' mating, noa pengngoya'na mesa ambe pano di änä'na. Noanna kipakaenga'koa' anna kipamatoho inahammu. Kipaturukoa' umba dipanoa tuho situhu' pa'elo'na Puang Alataala ang mantambaikoa' tama di kapahentaang kamatandeanna.
12(2:11)
13Ma'kuhhu'sumanga' lolo touang kami' dai' di olona Puang Alataala aka' untahimbomokoa' kara Dehata ang kipepainsangnging. Yatoo dai ungngangka'a' kara to lino ampo' ungngangka'a' Bahtakaranna Puang Alataala aka' inang noa si'daetee'. Yato Bahtakara Dehata mengkähäng lolo yaling di kalaemua' ang mampetahpa' dai' di Puang Yesus.
14Aka' ingkämmua' solasohongku, ingkänna yato ang puhaa' unsa'ding, noa tuntone' nasa'ding dolu ingkänna jumaa'na Puang Alataala di hao di Yudea ang mendahi petauanna Kristus Yesus. Yato kamadahhaang unsa'dingnga' di hao mai di sola bohtomu siang, noa sia tuntone' nasa'ding ingkänna jumaa'na Puang Alataala di hao di Yudea di hao sia tunne' mai di sola bohtona to Yahudi.
15Sika dia sianto yatoo ang puha umpatei Puang Yesus sibaha ingkänna nabi anna dia sia tunne' ang manghambaiang. Umpa'bali ingkänna tau, anna yato pembabenaii dai nakärä'i Puang Alataala,
16aka' sika napa'baliang umpepainsangnging Kaheba Mapia pano di tau ang tadia to Yahudi ang la mala mampasalama'. Noanto yato ingkänna to Yahudi umpohängngäng-hängngängngi lolo dosanna lambi' mai'di liu. Katämpä'anna nalambi' pole' aha'na Dehata.
17Oa' ingkämmu solasohongki', mengkalao yato anna sisähä'ingkea' sämpäi' makarohheng liuang mating. Dianto anna umpeäng loloang lalang umbato ke malaiingkea' siita bou. Moinnakato anna sisähä'i bätäng puntintaa', ampo' tontongngingkea' ma'mesa yaling di inaha.
18Aka' pemala liuang la mating kipellambi'ikoa'. Kodi', Paulus, pensangngakang kusändä' umpeäng lalang la mating ampo' nakalapai loloang Pongkahana setang.
19Dioa' supu ang la mendahi tanda kapataloangki' ang la kihannuang anna ang la umpamahasa inahangki' lambi' la kahsiang ma'tula' didiomu ke suleng dako' Dehatantaa' Puang Yesus anna sitingngayomingkea'.
20Inang diongnga'too ang kipokale'de anna ang umpamahasa inahangki'.
<< 1 Tesalonika 2 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel