1Pano di solasohongki' Filemon ang kisibahaing mengkähäng. Noa tunne' pano di solasohonta ta Apfia anna ta Arkhipus ang tasibahaing mengkähäng kahha' yaling di kapampetahpa'ang sibaha ingkänna to Sahani ang si ma'himpung diting di dasammu. Hao mai di Paulus, to yaling di tahungkung aka' umpepainsangngingkä' kaheba didiona Kristus Yesus, sibahaang solasohonta ta Timotius.
2(1:1)
3Ke la malai ullambi'o behe anna kamasahkeang yaho mai di Ambeta, Puang Alataala anna Puang Yesus Kristus, To Pepasalama'ta.
4Daliu lengka' kutula' sangammu, Filemon, ke ma'kuhhu'sumanga' bumä' dai' di Puang Alataala yaling di sambayang,
5aka' puha kuhingngi umba noa umpesi'da-si'dai mampetahpa' dai' di Puang Yesus anna pa'kalemummu pano di ingkänna petauanna.
6Kusambayangngi anna malai kamesaang ang unsa'ding sibaha solamu to mampetahpa' la tuhtuang matoto' anna la tuhtuang ungnginsang ingkänna behe ang puha nabeaingkea' Kristus.
7O solasohongku Filemon, kahsi liuä' kuhingngi umba noa pa'kalemummu pano di petauanna Puang Alataala lambi' tiala liu inahangku aka' samai to mampetahpa' umpasuhaka asang liu.
8Kodi', mesa to baha' ang tontongke' ditahungkung aka' untindo'ä' Kristus Yesus, aha ang la kupalau mating. Setonganna mala kupahe' tomande'o aka' kakamuä' yaling di kapampetahpa'ang, ampo' moinnakato noa, aka' pa'kalemummu ang kainsangang anna aka' kupakamayao, ya' malauä' supu mating.
9(1:8)
10Palaungku mating dianto didiona ta Onesimus ang kupoänä' yaling di kapampetahpa'ang, aka' dinne di tahungkung kupainsangngi didiona Puang Yesus lambi' mampetahpa'.
11Dolu dai kekuna di kalaemu, ampo' dinoa dai dio supu naongei kekuna ampo' kekuna tou ko pano di kalaeku.
12Dinoa indee tau ang kupakamaya la kusuoingko mating sumule.
13Setonganna pemalakä' kupamasae dinne naposolaiä' sihapang bala'mu lella'ä' ditahungkung aka' umpepainsangngingkä' Kaheba Mapia.
14Ampo' dai kuaku membabe ke dai aha kasibohtuanta. Masannang liuä' ke unnä' inahammu tubung dio, daone' la kukehke'i.
15Umbai diante' suhunna napensähä'io sämpäi' anna malai sibaha lolokoa' lambi' sapano-panona.
16Dinoa tadiang sabua' pälli' kale, ampo' mendahing siullu'ta ang dikalemui. Kusa'ding si'da-si'da tama di kalaeku, londonang dio, sihapang sabua' noa toi sihapang mesa solasohong yaling di Puang Yesus.
17Dahi, ponna ke unsanga liuä' solasohommu yaling di kapampetahpa'ang, tahimboi inde ta Onesimus sumule sihapang kodi' ang untahimbo.
18Ponna ke inang ahae' kasalaang ang nababe diting bahtu' keindang, kodi'dang ang la mantangkung asangnging.
19Dahi mapia kuuki' kalaeku done indee dianto: Kodi' Paulus la mambaya' asangnging indanna. Anna dao mangki' la kupakaleha didiona indammu pano di kodi', dianto katuhoammu ang bakahu mendahi to Sahani.
20O solasohong, kalemuiä' babeingkä' indee aka' siullu'ingke yaling di Kristus. Ke la malai, umpasuhakaä'.
21Suha' inde kuuki' aka' kuinsang la umpembaberintee' samai ang kupalau. Anna kuinsang la mai'di puhake' ang la umbabe.
22Mesake' ang pahallu kupalau, aka' kuhannuang natahimboete' Puang Alataala sambayammua' lambi' natehteä' sumule mating. Ke la malai ungkalemuiä' anna tohho sängkäkä' di dasammu ke donentoo.
23Salama'na are' ta Epafras ang kusibahaing dinne di tahungkung aka' untindo' Kristus Yesus.
24Salama'na toi solaku ang kusibahaing mengkähäng dianto: ta Markus, ta Aristarkhus, ta Demas anna ta Lukas.
25Pa'kalemunnarang Puang Yesus Kristus ang la mambehekoa'.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel