1Pihsananna kuitang yaho di suruka mesake' tanda ang mepusa'-pusa' anna senga'-senga'. Aha pitu malaeka' umbaha pitu kamadahhaang tamahamu'. Dianto inde ang katämpä'na kakeaha'anna Puang Alataala.
2Mane ahai kuita sinnoa le'bo' mahändäng mala dipodahammeng sihau api. Kuita toi mai'di tau ke'de' di hao di behinna le'bo' lella' siang sika untokei katapi ang nabea Puang Alataala. Dianto ingkänna tau ang puha untalo yato olo'-olo' ang sanganna napotanda hekengang, sibaha tau-taunna.
3Sika umpopenani penanianna Musa, dianto pesuona Puang Alataala, anna penanianna Änä' Domba. Yato penaniang noa inde oninna, "O Puang Alataala To Handang Ma'kuasa, mepusa'-pusa' anna senga'-senga' samai ang umbabe! O Tomarayanna ingkänna bohto, mannahsa tahpa' anna para-para pa'elo'mu!
4Mennakake' ang dai mahea' mating di olomu, Puang? Mennake' ang dai naaku umpamatande sangammu? Supunte' Dio ang masero. Hupatau di hao mai di ingkänna bohto la sule menomba di olomu, aka' kaitaang pembabemu ang dai mampasisenga'-senga'."
5Puhanna yatoo kuitang yaho di suruka Tambing Handang Masero tibuhke yaling di Bansuli ang si naongei Puang Alataala umpellambi'i petauanna.
6Mane naolai sohong yato pitu malaeka' umbaha pitu yato kamadahhaang tamahamu'. Sika mekaya' mabusa ang mabahahsi anna pansillo'. Sika mesalempäng bulahang.
7Mesa yato di alla'na uhpa' hupanna ang menanaha umbea yato pitu malaeka' napopantang mesa kahti bulahang ang punno angkoro' sihapang kakeaha'anna Puang Alataala ang tuho lambi' sapano-panona.
8Yato Dasang Ada'na Puang Alataala napunnoi hambu tanda yalimmi Puang Alataala ang ma'kuasa anna matande. Lambi' dai aha moi poro la mesa tau mala mentama yato di Dasang ke dake' puha yato pitu kamadahhaang tamahamu' ang nabaha pitu malaeka'.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel