1Puhanna yatoo, ungngitamä' mesa malaeka' tuhung yaho mai di suruka untokei pekilinna kahoäng lunaung di ongeanna to mate anna umbaha hante bahsi käyyäng.
2Mane unsahkai yato saha, dianto ile ang handang dolu, ang disangai 'Pongkahana setang' bahtu' 'inaha karake,' mane napungoi yaling di sansa'bu pahiamanna masaena.
3Napentibeming naung di kahoäng lunaung di ongeanna to mate, mane natana'i napamakapu', anna malai yato saha dai umbulitu' ingkänna bohto ke dake' puha yato sansa'bu pahiamanna. Puhaitoo, ya' la dilahpa'mi sämpäi'.
4Pihsananna ungngitamä' sangngaka-sangngaka ohko'ang anna yato ingkänna tau ang mohko' yaho dibea kakuasaang umbohtu kaha-kaha. Kuita toi sungnga'na tau ang puha dipolengngi bää'na aka' sika unsa'bii Puang Yesus anna umpepainsangnging Bahtakara Dehata. Yato tau dai umpenombai olo'-olo' bahtu' tau-taunna. Datoi aha sika untahimbo tanda olo'-olo' ang dipapano di kanding bahtu' di teyye. Sika dipatuhong sumule la ma'pahenta sibaha Kristus yaling di sansa'bu pahiamanna.
5Di alla'na ingkänna to mate dianto inde kombongang tau ang uhuna la dipatuho sumule. Dianto to masero ang la ullambi' kamasannangang yaho mai di Puang Alataala. Danne' sika ungngolai kamateang kapendoanna, dianto dipatama di api nahaka. Sika la dipasinnoa imang untahiai Puang Alataala anna Kristus, anna sibaha-baha ma'pahenta yaling di sansa'bu pahiamanna. (Ampo' to mate senga' dake'ne' dipatuho sumule yaling yato di tempo sansa'bu pahiamanna.)
6(20:5)
7Ponna ke puhang yato tempo sansa'bu pahiamanna, la dilahpa'mi Pongkahana setang yaling mai di pantahungkunganna,
8anna le'ba'i umbulitu' ang disangai 'Gog anna Magog,' ang bahtuanna ihsi bohto di ingkänna lino. Lambi' sika la tihimpung do ma'tolla'. Mai'dinna sinnoa bunging di behing le'bo'.
9Ya' sika le'ba'i siang titähhä' tama di lino, anna ulleboi bansulinnaii petauanna Puang Alataala dianto bohto mahoa' ang napakamaya Puang Alataala. Ampo' sika naämpu'i api ang tuhung yaho mai di langi'.
10Pihsananna yato Pongkahana setang ang sika mambulitu' dipentibeing tama di api handang maluhsu' ang malua' noa le'bo'. Dianto ang naonge dipantibei yato olo'-olo' sibaha yato ang boheng unsanga kalaena nabi. Sika didahha allo-bengi lambi' sapano-panona.
11Puhai yatoo, ungngitamä' mesa ohko'ang tomaraya ang käyyäng anna mabusa sibaha ang mohko' yaho. Langi' anna lino mengkapa'da di olona anna dang aha diita sala ongeanna.
12Aha toi kuita to mate, noa to dipakeangka', noa tunne' to pemase-mase, sika ke'de' di olona yato ohko'ang. Ingkänna tau ang mate di le'bo', noa tunne' ang mate di kalantanang, poko'na ingkänna tau di hoi' mai di ongeanna to mate sika ke'de' di olona yato ohko'ang. Mane dihuhka'i mai'di suha'. Yaling yato di suha' aha tiuki' pembabenaii ingkänna to mate. Ya' dipahehsang yato to mate situhu' pembabenaii ang tiuki'. Dihuhka' tunne' mesa suha' senga', dianto suha' pantekenganna to tuho lambi' sapano-panona.
13(20:12)
14Tau ang dai aha tiuki' sanganna yaling di suha' to tuho, dipentibeing tama yato di api malua'. Puhai, ya' dang aha kamateang, datunne' aha ongeanna to mate aka' ingkänna ang dai tiuki' sanganna yaling di suha' to tuho dipentibe asangnging tama yato di api malua'. Dianto ang disangai, 'kamateang kapendoanna' ke didahhai tama inde di api.
15(20:14)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel