1Puhanna yatoo, ungngitamä' uhpa' malaeka' ke'de' di uhpa' kasuleanna pepahi di lino. Sika untähäng pepahi di lino anna malai dai tisau di haho tampo, di le'bo' anna di poang-poang kayu.
2Mane ungngitaä' mesa malaeka' senga' lemba' yaling mai di katimbinganna mata allo umbaha ang la dipake untandai sabua'na Dehata, dianto Dehata ang inang aha. Anna ma'karai napekäyyängngi pano di uhpa' malaeka' ang dibea kuasa la untallangngi kalantanang anna le'bo'
3naoatee, "Daungkarakei sängkäi kalantanang bahtu' le'bo' sibaha poang-poang kayu ke dake' puha kupadehke' tanda pano di kandinna sabua'na Dehatanta!"
4Ang kuhingngi yato ang la dibea tanda, sangngatu' uhpa'pulo uhpa' sa'bu mai'dinna. Tau yatoo diala yaling mai di sampulo derua peänä'anna Israel.
5Mesa boito bohto sampulo derua sa'bu bung tau. Dianto: to Yehuda, to Ruben, to Gad, to Asyer, to Naftali, to Manasye, to Simeon, to Lewi, to Isakhar, to Zebulon, to Yusuf anna to Benyamin.
6(7:5)
7(7:5)
8(7:5)
9Tahpana yatoo, ungngita bumä' hupatau mai'di si'da-si'da, dai aha ang mala mangngihsa' tandana mai'di. Yato tau sule di hao mai di ingkänna bohto di lino. Sika meporeha mabusa anna untokei palapa kelala' tandana mampudi. Sika ke'de' mengngolo pano di ohko'ang tomaraya anna pano yato di Änä' Domba.
10Sika koha napekäyyängngi naoatee, "Dehatanta dianto ang mepasalama', ang mohko' yaho di ohko'ang tomaraya anna yaho mai di Änä' Domba!"
11Ingkänna yato malaeka' sibaha to dipakeangka' anna yato uhpa' hupanna ang menanaha ke'de' nakulimboi. Sangka' malimuntu' di olona yato ohko'ang tomaraya menomba di Puang Alataala
12anna ma'karai naoatee, "Aming! Sihatang dipudi, dipamatande, dipakeangka', dipenanu-naui Dehatanta aka' kakeaka'anna, kakuasaanna, anna kamatohoanna lambi' sapano-panona! Aming."
13Pihsananna ahang mesa yato to dipakeangka' nakutanaiä' naoatee, "Menna inde mai tau ang mekaya' mabusa anna umba sika nasule?"
14Kutimba'mi kuoaintee, "Dai kuinsang, Tuang. Tuang tubure' ang mangnginsang." Ya' naoantee, "Dianto inde tau ang puha salama' naonge ungngolaii kamadahhaang käyyäng. Sika puhang untahpa' pakeanna napamabuhsa' umpake hahana yato Änä' Domba.
15Dianto suhunna anna sika ke'de'mi di olona ohko'ang katomarayanna Puang Alataala, sibaha menomba allo-bengi yaling di Dasang Ada'na. Anna yato ang mohko' yaho di ohko'ang tomaraya la mandakai.
16Danne' la sika manono anna mahähäng, anna dang la napandasa maluhsunna mata allo.
17Aka' yato Änä' Domba ang sitehe ohko'ang tomaraya ang la sika mambahanang sinnoa mesa to pangkambi'. Sika naposolai pano di kasuleanna uhai ang mebea katuhoang. Puang Alataala ang la mampahsiiing uhai matannaii."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel