1Dan kita bkerja sama-sama dia, dan minta kamu jangan trima anugrah Allah dngan sia-sia
2(kerna dia ada bilang, "Sahya sudah dngar sama angkau pada waktu yang berknan Dan sahya sudah tolong sama angkau tempo hari slamat:" ingat, ini-lah waktu yang berknan; dan ini-lah hari slamat):
3sdang kita t'ada kasi orang terantok dalam apa-apa perkara pun, spaya jangan kita punya playanan pula kna chla;
4ttapi sperti Allah punya playan kita mau bnarkan diri kita dalam smoa perkara, ia'itu dalam banyak sabar, dalam ksusahan, dalam banyak chlaka, dalam hal ssak,
5dalam hal kna ssah, dalam hal kna jel, dalam huru-hara, dalam kpnatan, dalam hal berjaga dan berpuasa;
6dalam ksuchian, dalam pngtahuan, dalam panjang hati, dalam kmurahan, dalam Roh Alkudus, dalam kaseh yang bukan pura-pura,
7dalam btul punya pngajaran, dalam kuasa Allah; oleh snjata kbnaran kiri kanan,
8oleh kmulia'an dan kurang hormat, oleh umpat dan puji; spertikan pnipu, ttapi bnar juga;
9spertikan t'ada knalan, ttapi di-knal baik-baik; spertikan mau mati, dan tengok, kita ada hidop; spertikan kna palu, ttapi t'ada juga kna bunoh;
10spertikan susah-hati, ttapi slalu bersuka-suka; spertikan orang miskin, ttapi bikin banyak orang pula kaya; spertikan orang yang t'ada apa-apa, ttapi kita ada smoa perkara.
11Hei orang Korintus, sudah terbuka-lah mulut kita mau berchakap sama kamu, dan hati kita pun sudah-lah terkmbang.
12Bukan-nya di dalam hati kita yang kamu sudah tersmpit, ttapi di dalam kamu sndiri punya kaseh-sayang kamu sudah tersmpit.
13Biar-lah kamu punya hati pula terkmbang, mnjadi satu balasan yang s-rupa. (Ini sahya ada berchakap sperti k-pada anak anak.)
14Jangan-lah kamu berhubong sama orang yang ta'perchaya, ia'itu satu perhubongan yang ta'padan: kerna kbnaran sama kjahatan, apa-kah perskutuan-nya? atau apa-kah sama-nya trang sama glap?
15Dan apa-kah s-tuju-nya Almaseh dngan Bali'al? atau bhagian apa orang perchaya ada sama orang yang ta'perchaya?
16Dan ka'abah Allah sama datok apa-kah kna-mngna? kerna kita-lah Allah yang hidop punya ka'abah; sama sperti Allah sudah bilang, "Sahya nanti tinggal di antara dia-orang, dan berjalan di antara-nya; dan sahya nanti jadi dia-orang punya Allah, dan dia-orang pula nanti jadi sahya punya bangsa."
17Sbab itu, "Kluar-lah kamu deri antara dia-orang, dan asingkan diri," bgini-lah firman Tuhan, "Dan jangan-lah jamah apa yang najis; Dan sahya nanti sambot sama kamu,
18Dan mnjadi Bapa k-pada kamu, Dan kamu pula nanti jadi anak-anak dlaki dan anak-anak prempuan k-pada sahya," bgini-lah firman Allah yang maha kuasa.
<< 2 Korintus 6 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel