1Dan bila dia-orang smoa sampai dkat Yerusalim, datang di Bait-Fagi, yang di Bukit Zaitun, itu ktika Isa, hantarkan dua murid-murid-nya,
2dan kata sama dia-orang, "Pergi masok itu kampong yang tntang kamu, dan itu juga kamu nanti jumpa satu kaldai terikat, sama-sama anak-nya: bukakan, dan bawa sama sahya.
3Dan jikalau ada orang kata apa-apa sama kamu, kamu boleh kata, 'Tuhan mau pakai sama dia;' dan itu juga dia nanti hantarkan."
4Ini sudah jadi, spaya boleh bnarkan perkata'an nabi, yang kata,
5'Bilangkan-lah sama anak-prempuan Sion, 6 Tengok, angkau punya raja datang sama angkau, Dngan rndah hati, dan mnunggang kaldai, Ia'itu anak binatang yang angkat muatan.'"
6Itu dua murid-murid pergi buat sperti Isa sudah psan dia-orang,
7dan bawa kaldai itu sama anak-nya, dan ltak dia-orang punya pakaian atas-nya; kmdian Isa dudok di atas-nya.
8Dan kbanyakan orang bntangkan dia-orang punya pakaian di jalan; dan yang ada pula kratkan plpah pokok khurma, dan bntangkan di jalan.
9Dan orang banyak yang jalan dhulu, dan yang ikut pun bersorak-sorak, kata, "Hosanna k-pada Anak Da'ud; berkat-lah dia itu yang datang dngan nama Tuhan; hosanna dalam ktinggian."
10Dan bila Isa masok Yerusalim, satu negri punya orang terkachau, dan kata, "Siapa ini?"
11Dan orang-banyak kata, "Ini-lah itu nabi, Isa, yang deri Nasarat di tanah Galil."
12Dan Isa masok ka'abah Allah, dan halaukan smoa orang yang jual-bli dalam ka'abah itu, serta balekkan meja-meja orang yang mniaga tukar wang, dan krusi orang yang jual burong komba:
13dan Isa kata sama itu orang smoa, "Sudah tersurat, 'Rumah sahya orang nanti sbotkan rumah berdo'a: ttapi kamu ada buatkan dia satu goa pnyamon."
14Dan orang-orang buta sama orang tempang datang sama dia di ka'abah: dan dia smbohkan smoa-nya.
15Ttapi bila kpala-kpala imam sama orang pnulis tengok sgala perkara hairan yang dia buat, dan tengok budak-budak pun bersorak-sorak dalam ka'abah dngan berkata, "Hosanna k-pada anak Da'ud," dia-orang naik gram,
16dan kata sama Isa, "Ada-kah angkau dngar apa ini smoa ada kata?" Isa kata sama dia-orang, "Ya: ttapi blum-kah pernah kamu bacha, 'Deri mulut anak kchil-kchil, sama budak-budak yang hisap susu, Tuhan sudah smpurnakan pujian?'"
17Dan Isa tinggalkan dia-orang, dan kluar deri negri, pergi di Bait-Ani, dan tumpang di situ.
18Dan pagi-pagi bila Isa balek pergi negri, dia lapar.
19Dia tengok satu pokok ara di tpi jalan, dan pergi dkat itu pokok, dan t'ada dapat satu apa pun di pokok itu, chuma daun saja: dan dia kata sama itu pokok, "Jangan-lah angkau berbuah lagi sampai s-lama-lama-nya." Dan itu juga itu pokok ara jadi layu.
20Bila murid-murid tengok itu, dia-orang jadi hairan, dan kata, "Bagimana ini pokok ara sudah layu ini juga?"
21Isa jawab kata sama dia-orang, "Dngan sunggoh sahya kata sama kamu, jikalau kamu ada perchaya, dngan t'ada bimbang hati, bukan saja kamu boleh buat sama sperti sudah jadi sama ini pokok, ttapi jikalau kamu kata sama ini gunong, 'Terangkat-lah angkau, dan terchampak-lah dalam lautan,' itu skali pun nanti jadi.
22Dan sgala perkara yang kamu minta dalam do'a, jikalau dngan perchaya, kamu nanti dapat."
23Bila Isa sudah masok dalam ka'abah, kpala-kpala imam sama itu bangsa punya ktua-ktua datang sama dia s-tngah dia ada mngajar, dan kata, "Dngan apa kuasa angkau ada buat ini smoa? dan siapa sudah kasi angkau ini kuasa?"
24Isa jawab kata sama dia-orang, "Sahya pun mau tanya kamu satu perkara, dan jikalau kamu kata sama sahya, bharu sahya pun nanti kata sama kamu dngan apa kuasa sahya buat ini smoa.
25Yahya punya baptisan itu deri mana? deri shorga-kah atau deri-pada manusia?" Dan dia-orang bichara satu sama lain, kata, "Kalau kita bilang 'Deri shorga,' dia nanti kata sama kita, 'Kalau bgitu, knapa-kah kamu t'ada perchaya sama dia?'
26Ttapi kalau kita bilang, 'Deri-pada manusia,' kita takot orang-banyak ini, kerna smoa-nya bilangkan Yahya satu nabi."
27Dan dia-orang jawab sama Isa, dan kata, "Kita ta'tahu." Isa pula kata sama dia-orang, "Sahya pun t'ada kata sama kamu dngan apa kuasa sahya buat ini smoa.
28Ttapi apa kamu punya fikir? Satu orang ada dua anak dlaki: dan dia datang sama anak yang pertama, dan kata, 'Anak, ini hari pergi kerja di kbun anggor.'
29Dan itu anak jawab kata, 'Sahya ta'mau-lah:' ttapi kmdian dia mnysal pula, dan pergi.
30Dan itu orang datang sama anak yang nombor dua, dan kata bgitu juga. Dan dia jawab kata, 'Ya, tuan,' ttapi t'ada pergi.
31Dalam ini dua, mana satu yang sudah buat kahandak bapa-nya?" Dia-orang kata, "Yang mula-mula itu." Isa kata sama dia-orang, "Dngan sunggoh sahya kata sama kamu, orang yang pungut chukai dan prempuan sundal pun masok kraja'an Allah lbeh dhulu kamu.
32Kerna Yahya sudah datang sama kamu dngan jalan kbnaran, dan kamu t'ada perchaya sama dia: ttapi orang yang pungut chukai dan prempuan sundal sudah perchaya dia: dan kamu ini, sunggoh pun kamu tengok itu, kmdian t'ada juga mnysal spaya boleh perchaya sama dia.
33"Dngar lain satu perumpama'an: Ada satu tuan-rumah yang sudah tanam satu kbun anggor, dan pasang pagar kliling-nya, dan korek satu irekan anggor di situ, dan naikkan satu bangun-bangunan, dan sewakan itu kbun sama orang ladang, kmdian dia pergi lain negri.
34Bila sampai musim buah, itu tuan-rumah hantarkan hamba-hamba-nya sama itu orang ladang, mau trima buah.
35Ttapi itu orang ladang tangkap sama itu hamba-hamba, satu dia-orang pukol, lain dia bunoh, dan lain pula dia hntam batu.
36Lagi skali itu tuan hantarkan hamba-nya, lbeh banyak orang deri dhulu: dan dia-orang buat bgitu juga sama ini smoa.
37Kmdian skali dia hantarkan anak-nya, dan kata, 'Dia orang nanti kasi hormat sama anak sahya.'
38Ttapi bila itu orang ladang tengok itu anak, dia-orang kata satu sama lain, 'Dia ini-lah waris-nya; mari kita bunoh sama dia, dan rampas dia punya psaka.'
39Jadi dia-orang tangkap sama dia, dan tolak dia kluar kbun, dan bunoh sama dia.
40Sbab itu bila tuan kbun itu datang, apa-kah dia nanti buat sama itu orang ladang?"
41Dia-orang kata sama Isa, "Dia nanti kasi kbinasa'an yang jahat sama itu orang jahat, dan itu kbun dia nanti sewakan sama lain orang ladang, yang nanti bayer hasil buah-nya tiap-tiap musim."
42Isa kata sama dia-orang, "Blum pernah-kah kamu bacha dalam Kitab, Batu yang sgala tukang sudah buangkan, Itu-lah sudah di-jadikan kpala pnjuru: Ini-lah perbuatan Tuhan, Dan hairan-lah itu sama mata kita?'
43Itu sbab-lah sahya kata sama kamu, kraja'an Allah nanti di-ambil deri-pada kamu, dan di-kasikan sama satu bangsa yang nanti kluarkan buah-nya.
44Dan orang yang jatoh atas batu itu nanti rmok, ttapi orang yang kna dia timpa nanti habis hanchor."
45Bila kpala-kpala imam sama orang Farisi sudah dngar Isa punya perumpama'an smoa, dia-orang tahu yang dia sudah chakap deri-hal dia-orang sndiri.
46Ttapi bila dia-orang choba mau tangkap sama Isa, dia-orang takot orang-banyak, sbab smoa orang bilangkan dia satu nabi.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel