Kota-
1“Sasampune Ida Sang Hyang Widi Wasa, Widin semetone masmi bangsa-bangsane, sane tanahnyane kapaicayang ring semeton, tur sasampun semeton ngaug kota-kota, miwah umah-umah ipune saha magumana irika,
2rarisang pah wewidangane punika dados tigang pahan, tur asing-asing wewidangan punika madaging kota genah masayuban sane dangan antuk ngrauhin. Yening wenten anak sane nenten nyelapang ngamademang jadma, sane boya mesehnyane, ipun dados malaib ngungsi salah tunggil kotane punika, mangda ipun polih pasayuban.
3(19:2)
4(19:2)
5Upaminipun sapuniki: Yening wenten anak sareng kalih luas ka alase ngebah taru, raris risedek sane adiri ngandik taru, tumuli keles kandikipune, saha ngenanin timpal ipune kantos ipun padem, anake sane ngandik taru punika dados malaib ka salah tunggiling kota pasayuban sane tetiga punika, mangda ipun luput.
6Yening wantah asiki wenten kota pasayuban, tur genah kotane punika doh, raris yen wenten anak sane patut nindihin sang padem, mamanah ngwales padem nyamanipune punika, sinah ipun mrasidayang ngejuk sang ngamademang punika ring margi, raris sahasa ngamademang anake sane tan padosa kabatek antuk brangtinipune. Makayuaktinipun, ipun nenten nyelapang ngamademang anak, sane boya mesehipune.
7Punika awinanipun tiang nunas ring semeton, mangda semeton nganehang kota tetiga.
8Yening Ida Sang Hyang Widi Wasa sampun nglinggahang wewidangan semetone sakadi sane sampun janjiang Ida ring paraleluur semetone tur maicayang tanahe punika makasami ring semeton,
9kenginan semeton patut nyelik kota pasayuban malih tetiga. (Ida pacang maicayang tanahe punika ring semeton, yening semeton nglaksanayang sakancan pituduhe sane pituduhang tiang ring semeton ring rahinane puniki, tur yening semeton astiti bakti ring Ida Sang Hyang Widi Wasa, Widin semetone, samaliha malaksana satinut ring paurukan Idane.)
10Laksanayangja paindikane puniki mangdane semeton nenten madosa malantaran ngukum mati anake sane tan padosa ring tanah sane kapaicayang antuk Ida Sang Hyang Widi Wasa ring semeton.
11Nanging minab wenten anak mula matagenan pacang ngamademang mesehipune, raris ipun malaib ngungsi ka salah tunggiling kotane punika mangda polih pasayuban.
12Sajeroning paindikane punika, parapamimpin kotanipune patut ngandikayang ngrereh tur ngambil ipun saking irika, tumuli nyerahang ipun ring sang sane patut nindihin sang padem, mangda ipun kapademang buat ngwalesang sang padem.
13Sampunang semeton madalem ipun. Bebasangja bangsa Israele saking jadma sane mamati-mati, mangda semeton prasida rahayu.”
Indik
14“Yening semeton sampun rauh ring tanah sane kapaicayang ring semeton antuk Ida Sang Hyang Widi Wasa, Widin semetone, sampunang semeton ngisidang bates baledan tanah sesaman semetone, sane sampun katetepang saking nguni.”
Indik
15“Buat nalih anak sajeroning kajaatan, nenten cukup saksi wantah adiri. Sakirang-kirangipun patut wenten saksi kekalih sane ngawiaktiang mungguing anake punika iwang.
16Yening wenten anak mamanah nyelekang timpalipune, malantaran ipun misunayang ipun,
17anake makakalih punika patut ngungsi ka genah pangubaktine tur irika katepasin antuk pandita miwah parahakim sane sedek polih tugas irika.
18Parahakime patut nureksain wicarane punika becik-becik, tur yen kapanggih mungguing anake punika mabukti sampun misunayang timpalipune paturu bangsa Israel,
19ipun patut ngemasin pasisip sane patut kamasin antuk anake sane dalih ipun. Malantaran paindikane punika semeton mrasidayang nyirnayang kajaatane sane kadi asapunika saking pantaran bangsan semeton.
20Sakancan anake sane lianan pacang miragi paindikane punika jagi ajerih, tur nenten wenten malih anak sane purun malaksana sane kadi asapunika.
21Sajeroning paindikane punika sampunangja semeton madalem ipun. Pasisipnyane inggih punika: Angkihan bayah baan angkihan, mata bayah baan mata, gigi bayah baan gigi, lima bayah baan lima, batis bayah baan batis.”
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel