Tanah
1Rikala tanah punika kadum dados cecatun suku-suku bangsane suang-suang, duman patut katurang dados tanah palaba druen Ida Sang Hyang Widi Wasa. Tanah palabane punika patut roras atengah kilometer panjangnyane miwah dasa kilometer linggahipun. Tanah palabane punika makasami suci.
2Ring tanah palabane punika kakaryanang tegak Perhyangan Agung sane mrepat, sane panjang sisinipun 250 meter, saha kiter antuk pakarangan linggahipun slae meter.
3Tanah palabane punika atenga, sane panjangipun roras atengah kilometer miwah linggahipun limang kilometer, punika sampun masikut. Irika jaga genah Perhyangan Agunge, genah sane pinih sucina.
4Tanah palabane punika pacang dados bagian sane suci ring jagate punika, sane kasanehang pabuat parapanditane sane ngayahin Ida Sang Hyang Widi Wasa ring Perhyangan Agung Idane. Ring tanahe punika jaga genah grian parapanditane miwah pakarangan Perhyangan Agunge.
5Tanah palabane sane malih atenga, punika kasanehang buat dados cecatun wong Lewine sane ngayah ring Perhyangan Agung. Irika jaga wenten kota-kota genahnyane magumana.
6Ring samping tanahe sane suci punika, bagian sane lianan, sane panjangipun roras atengah kilometer, linggahipun kalih atengah kilometer, punika kasanehang buat dados kota, genah wong Israele sane lianan magumana.
Tanah
7Pabuat sang prabu sane madeg ratu, patut taler kacawisang tanah. Saking sisi kauh pakarangan sane suci, kasikut ngauhang ngantos rauh ring Segara Tengah, tur saking sisi kangin tanah sane suci punika nganginang kantos rauh ring panepin jagate bedangin, kantos panjangipun asah sakadi panjang duman tanah suku bangsa Israele.
8Tanahe punika jaga dados duman sang prabu sane madeg ratu ring tanah Israel, mangdane ida nenten malih nindes rakyate, nanging jaga nglugrain tanah-tanahe sane lianan punika dados paderbean suku-suku bangsa Israele.
Pidab
9Ida Sang Hyang Widi Wasa Sane Maha Luur ngandika sapuniki: “Ih parapamrentah Israele, kita suba makelo pesan madosa. Suudja kita nindes muah nyalanang kawirosan. Laksanayangja paundukan ane beneh muah adil. Kita patut suud ngulah kaulan Ulune uli sig tanahnyane. Ulun Sang Hyang Widi Wasa Sang Maha Luur ane ngandikain kita unduke ene.
10Asing-asing anak patut nganggon timbangan muah sikut ane jujur, luire:
11Epa buat nakeh barang-barang ane tuh patut asah teken buat nguu barang-barang ane enceh. Ane makadadi patokan, nah ento homer. Dadinne takehane ento patutne kene: 1 homer = 10 epa = 10 bat.
12Timbangan kitane patutne kene: 20 gara = 1 sikal. 60 sikal = 1 mina.
13Ane patut dadi lakar aturan kitane patutne kene: Gandum 1/60 uli pamupon kitane. Jelae 1/60 uli pamupon kitane. Lengis saitun 1/100 uli pamupon buah saitun kitane. (Ukur wiadin takehja barang-barange ento aji bat. 10 bat = 1 homer = 1 kor.) Kulawargan Israele ane ngelah biri-biri 200 patut ngaturang biri-birinnyane aukud. Kita patut ngaturang aturan gandum, aturan wewalungan maborbor, wewalungan buat aturan karahayuan, apanga dosa-dosan kitane kampurayang. Ulun Ida Sang Hyang Widi Wasa Sang Maha Luur ane nitahang unduke ene.
14(45:13)
15(45:13)
16Sawatek rakyate ane nongos di gumine ento patut ngaturang aturane ento teken sang prabu ane mrentah di Israel.
17Sawireh sang prabu maan tugas buat nyediaang wewalungan buat aturan maborbor, aturan gandum, aturan yeh anggur pabuat bangsa Israele makejang, sabilang Rerainan Bulan Baru, Rerainan Sabat muah rerainan ane lenan. Ia patut nyediaang aturan panyupat dosa, aturan gandum, aturan maborbor, aturan karahayuan, buat mrastayang dosa-dosan wong Israele.”
Indik
18Ida Sang Hyang Widi Wasa Sane Maha Luur ngandika sapuniki: “Nuju tanggal apisan dibulan ane kaping pisan, kita patut ngaturang sampi jagiran ane tan paceda buat nyuciang Perhyangan Agunge.
19Parapanditane patut nyemak getih aturan panebus dosane ento abedik, laut olesang di adegan jelanan Perhyangan Agunge, di bucun pamorboran aturane makapatpat muah di adegan kurine ane ngungsi ka natare ane di jeroan.
20Ditanggal pitu bulane ento kita patut buin nyalanang unduk ane patuh buka keto pabuat asing-asing anak ane nyelapang ngae dosa wiadin tusing tawanga ibanne madosa. Majalaran unduke ento kita lakar ngamanggehang kasucian Perhyangan Agunge.
21Ditanggal patbelas bulan ane kapisan kita patut ngawitin marerainan Paskah. Pitung dina makelonne asing-asing anak patut naar roti tan paragi.
22Didina ane simalu direrainane ento sang prabu patut ngaturang sampi jagiran buat dadi aturan panyupat dosannyane muah dosan sakancan rakyate.
23Sanun rerainane ento, pitung dina makelonne sang prabu patut nglemah ngaturang sampi jagiran pepitu muah biri-biri muani pepitu ane tan paceda tur aturane ento patut kaborbor. Ida patut masih ngaturang kambing muani aukud sabilang lemah, buat dadi aturan panebus dosa.
24Buat sampi jagiran muah biri-birine muani ane katurang ento, patut kadulurin baan aturan tepung gandum pitulas atengah liter muah lengis saitun telung liter.
25Di Rerainan Pondok Daune, ane ngawitin tanggal limolas, bulan ane kapitu, sang prabu patut nglemah ngaturang aturan panyupat dosa, aturan maborbor, aturan gandum muah lengis saitun ane patuh buka dugas Rerainan Paskahe pitung dina makelonne.”
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel