1Jeiserem taban, malaikata nawer-naura gemer ga ai damtabili. Jei ga bijuap ge fibinenne gwer anggasyelawer, ane gwer anggasyela gwejawer, ane gwer anggasyela taasfolawer, ane gwer kautalawer mese. Jei ga deye nawer-naura ga jes ne isinbaabisnenne, jega deye jei jam ne gwebayan onnawer, afa finip, afa titirnip.
2Ane jepga ai malaikata daamfenna nensaiserem ga ai damtana. Jei anggasyelawer ga jela. Jei ga apgal jigala gwirni enggalfe bwenta Uwa Sanbagirmana angtane jem mirip eyebaipminennefe. Uwa Sanbagiri aa Jei gwenaram, Jei apgal jigala jeiserem malaikatf gulbana. Malaikata jeiserem jei malaikata nawer-naura ol dagame ga aa jenbebili. Malaikata nawer-naura jeiserem jei baabeta Uwa Sanbagirminiwer mes ne domola enggalfe, ogiri yo fini gam tamtamsof deye aa jes gam afsobaanurum jeme.
3Malaikata jeiserem ga aa gutena, "Ogiri yo fini gwanan nalefe ijama tamtamsoyan, afa ti mese, nei gwanan bwenta nepsa eyebaipminenne angtane Uwa Sanbagirmana jem miribe, Uwa Sanbagiri nemnaiserem. Nei jeiserem enggalf neya eyebili, jega angtane jeiserem jei tamtamtala fas jam ne domolyan."
4Ane jepga ai asene towastana enggame, angtane aare unggwanfer ga 144.000, angtane Uwa Sanbagiri bweneta aa jep eyebaipminennerem jem miribe. Angtane jeiserem jei ga tewe dua belas Israelmana, bweneta ga jei ne tebabinenne.
5Tewe dua belas jeiserem daamfen-daamfennawer ga 12.000 angtane bweneta aa jei ne taabilirim ga enggam: tewe Yehuda, 12.000 angtane bweneta ga jei ne taabili, tewe Ruben, 12.000 angtane, tewe Gad, 12.000 angtane,
6tewe Asyer, 12.000 angtane, tewe Naftali, 12.000 angtane, tewe Manasye, 12.000 angtane,
7tewe Simeon, 12.000 angtane, tewe Lewi, 12.000 angtane, tewe Isakar, 12.000 angtane,
8tewe Sebulon, 12.000 angtane, tewe Yusuf, 12.000 angtane, tewe Benyamin, 12.000 angtane. Angtane seyafter bweneta aa jei ne taabilirim unggwanfersus ga enggammer 144.000.
9Jes jepserem tabana, ai angtane unggwanfersus gamjon ga ai damtabili, jemna unggwanfer jeiserem angtane jei jam ne eterbiyen. Angtane jeiserem jei ga anggwabura seyafter gemerserem jewer ga jalbili, ane negara seyafter gemerserem, ane ula seyafter gemerserem jewer mese. Angtane unggwanfer jeiserem jeiba taman nwini sanbagiri Uwa Sanbagirmanaiserem ga jem tarnap ge fibili, ane jei ga Domba Tane jeiserem ga jem tarnap ge fibili. Jemna fene sinsini gane kabwabili, ane garam alas ne erbili.
10Ane jepga jei seyafter ol dagame ga aa ge gubitena enggame, "Uwa Sanbagiri Jei nei nes mes waakentababisini, ane Jei gwela waakena nes mes golmini, Jei aa Jei nontenaram taman nwini sanbagiri jem sagabe, ane Domba Tane jeiserem Jei mese!"
11Malaikata seyafter jei ga taman nwini sanbagiri Uwa Sanbagirmanaiserem ga jem tere-terewer ge fibinenne, ane angtane sanbak ane malaikata nawer-naura galserem igsusu ga taman nwini sanbagiri jeiserem ga jem gwetmanap ge fibili. Malaikata jeiserem jei ga taman nwini sanbagiri danggonawer ga aa ge nwinbetena somwan dumeme, ane jepga Uwa Sanbagiri ga aane pujitene, ane enggam ga aane bala,
12"Ngga, jeiserem ba bunaram. Ai Uwa Sanbagiri ajesa pujitene. Nafa Jemna uskambar. Jei tousa unggwanfer. Jemnibe enggam aya gunu, 'Ase samfer golmini.' Jeiba waakensusum. Jei baabetabara. Ngga baabeta Jemna unggwanfer, seyafter aaiserem je Uwa Sanbagirmana jamer abak-abaksus! Amin!"
13Daamfenna angtane sanbak unggwanfer jeiserem jemniwer, jei ams tenebana, "Angtane fene sinsinibere aaiserem jeje fwermana, ane jeje fwer ge jalbili?"
14Ai ga enggam ai tamawolbana, "Uwa, ai teisyena. Aamei imes towaswena." Ane jei ga as enggam bala, "Angtane aaiserem waakenfer ge forobitye kapka unggwandusaiserem ogiri aaiserem jemniwer. Jemna fene mes ne wirtabaabili, ane ga mes ge sinsinswebili Domba Tane Jeiserem Jem aawisime.
15Jega jem temawer jei taman nwini sanbagiri Uwa Sanbagirmana Jem tarnabe ga jep ge fibili. Ane jei gwin gwer awelna Jena Uwa Sanbagirmanaiserem jep ga aane gwebili. Ane Jei taman nwini sanbagiri jem sagap aa jei nwintenaram, Jei ga angtane jeiserem Jei se isinbaabisnenne, ane Jei gase gerebaabisnenne.
16Jei gamjon wisi yo fo botona jei jam ge falbamiyen; gwer sarsara jei gamjon jam giranbaabiyen,
17aam temawer Domba Tane taman nwini sanbagiriserem aa jep finaram, Jei ga jem gembalaf se etamwesa. Jei jam se aftabifelse fo waaken tarnabe, fona angtane aa jei telbilirim jei jam gwelabe abaksusu. Ane Uwa Sanbagiri Jei ga nwe fona jemna seyafter gase wirtabaipmisisi jem nwenawer, ane ini jemna gamjon jam ge jenbamiyen."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel