1Pakkaséséng tanaé ri tibang manorang mallampéi lilau, mappammulai polé ri Tasi Tengngaé lao mattuju ri kota Hétlon, laleng muttama’é ri Hamat, kota Hazar-Enan, lettu ri pakkaséséngngé ri pallawangenna kota Damsyik sibawa kota Hamat. Suku-suku mangoloéwé harusu’i lolongeng tungke-tungke séddi bagiyang polé ri tana iya mallowangngé polé ri pakkaséséng alau mattuju ri yajang lettu ri Tasi Tengngaé, ri laleng atturu-turuseng selaku mangoloéwé polé ri manorang liyattang: Dan, Asyer, Naftali, Manasyé, Efraim, Rubén, Yéhuda
2(48:1)
3(48:1)
4(48:1)
5(48:1)
6(48:1)
7(48:1)
8Bagiyang mangoloéwé polé ri tanaéro harusu’i ripallaiseng untu’ akkégunang mattentué. Lampéna harusu’i 12,5 kilo polé ri pakkaséséng manorang lettu ri yattang. Pakkaséséng alauna sibawa yajang harusu’i pada lampéna sibawa bagiyab-bagiyang iya riyabbéréyangngé lao ri suku-suku Israélié. Bolana PUWANGNGE ripatettongngi matu ri bagiyangngéro.
9Sibagiyang polé ri daéraéro ripallaingngi untu’ PUWANGNGE, iyanaritu sikonrong tana ri bagiyang tengnga-tengngana, lampéna 12,5 kilo sibawa sakkana 10 kilo.
10Ri bagiyang tengngana tanaéro dipatettongngi matu Bolana PUWANGNGE. Sining imangngé harusu’i lolongeng bagiyang polé ri daéra iya mapaccingngéro. Bagiyanna mennang iyanaritu 12,5 kilo polé ri sulapa alau liyajang, sibawa lima kilo polé ri sulapa manorang liyattang.
11Daéra iya ripallaingngéro mancajiwi matu appunnangenna imang-ngimang wija-wijanna Zadok. Purai mennang natumaningi PUWANGNGE sibawa matinulu na dé’ napada tau Léwi sisukué sibawa mennang, iya maccowéé pogau’ dosa silaong sibawa sining tau Israél laingngé.
12Rimakkuwannanaro lao ri wija-wijanna Zadokro harusu’i riwéréng tana mattentué ri lainnaé tana iya riyabbéréyangngé matu lao ri tau Léwié. Na iyaro tana mattentué mapaccing senna’i.
13Tanana sining tau Léwiéro lampéna 12,5 kilo polé ri alau liyajang, sibawa sakkana lima kilo polé ri manorang liyattang na onronna makkadambangngi sibawa tanana sining imangngé.
14Muwi sijakka polé ri tanaéro dé’to nawedding nabalu mennang iyaré’ga nasséléreng; bagiyang kaminang makessingngé polé ri tanana Israélié dé’ nawedding lélé ri limanna tau laingngé, saba’ iyaro tanaé purani ripallaing untu’ PUWANGNGE sibawa mancajiwi appunnangen-Na.
15Ri tibang yattanna tana mattentuéro, engka mupa nasésa lampéna 12,5 kilo, sibawa sakkana duwa sitengnga kilo. Iyaro bagiyangngé dé’ namapaccing sibawa wedding napaké ra’ya’é untu’ onrong naonroi sibawa untu’ padang wella, ri bagiyang tengngana harusu’i ripatettong séddi kota.
16Iyaro kotaé harusu’i massulapa eppa, tungke sulapa’na ukkuranna duwa siparape kilo.
17Ri mattulilinna sininna kotaéro harusu’i engka tana lapang iya sakkanaé 125 météré.
18Ri tibang alauna sibawa yajanna kotaéro engka tana lapang iya tungke-tungke’é ukkuranna wékkalima duwa sitengnga kilo. Iya duwa tana lapangngéro harusu’i ripaké untu’ tana allaonrumang ri pabbanuwana kotaé.
19Sining tau polé risininna suku Israél iya monroiyéngngi kotaéro weddingngi jamai iyaro tanaé.
20Jaji, sininna daéraéro, muttama’ni tana iya mattentué sibawa tana untu’ kotaé, massulapa eppai ukkuranna 12,5 kilo ri tungke sulapa’na.
21Tanaé ri tibang yajang sibawa alau polé ri daéra mattentu iya ripassadiyaé untu’ Bolana PUWANGNGE, sining imangngé, tau Léwié sibawa kotaéro, iyanaritu untu’ panguwasa iya mapparéntaé. Ri tibang alauna tanaéro mallowangengngi lettu ri pakkaséséng alau, na ri tibang yajanna lettu ri Tasi Tengngaé, iya engkaé ri yelle’na tana Yéhuda sibawa tana Bényamin.
22(48:21)
23Tana iya engkaé ri tibang yattang polé ri daéra mattentuéro, iyanaritu untu’ suku-suku laingngé. Lowanna tanaéro mappammulai ri pakkaséséng alau liyajang lettu ri Tasi Tengngaé, sibawa ritawai situru susunangngéwé polé ri manorang liyattang: Bényamin, Siméon, Isakhar, Zébulon, Gad
24(48:23)
25(48:23)
26(48:23)
27(48:23)
28Ri tibang yattanna tana Gad engka pakkaséséng iya mappammulaé polé ri yajang yattanna Tamar lalo ri mata uwai Kadés-Mériba, nainappa liyajang manorang sillampé pakkasésénna Maséré lettu ri Tasi Tengngaé.
29Makkedai PUWANG Iya Pommatanré, "Makkuwaniro iyaro tanaé harusu ritawa-tawa lao ri suku-suku Israélié."
30Sumpang muttama’é ri kota Yérusalém iya manenna engka seppulo duwa. Iya eppa témbo’na tungke-tungke ukkuranna duwa siparape kilo, sibawa mappunnaiwi tellu gerbang. Tungke-tungke gerbang riyasengngi situru aseng sala séddinna suku Israélié. Gerbang-gerbangngé ri manorang riyasengngi Rubén, Yéhuda sibawa Léwi; gerbang-gerbangngé ri témbo alau riyasengngi Yusuf, Bényamin, enrengngé Dan; iya engkaé ri témbo yattang engkai aseng-ngasenna Siméon, Isakhar sibawa Zébulon; naiya ri témbo yajang riwéréngngi aseng Gad, Asyer, sibawa Naftali.
31(48:30)
32(48:30)
33(48:30)
34(48:30)
35Sininna témbo’éro lampéna aséra kilo. Namappammula wettuéwé nasenni tauwé iyaro kotaé: "ENGKAI PUWANGNGE KUWARO!"
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel