1Kaluwarga-kaluwarga suku Yéhuda tarimai bagiyang tana iya pakkasésénnaé iyanaritu: Ri seddé yattanna, iyaro daéraé mallebba’i narapi cappa kaminang yattang daéra padang kessi Zin ri pakkasésénna Edom;
2mappammulai ri cappa yattanna Tasi Maté,
3matteru liyattang molai émpeng bulué ri Akrabim lettu ri Zin. Nainappa molai yattanna Kadés-Barnéa, matteru molai Hézron, ménré ri Adar, nainappa bélo’ mattuju ri Karka.
4Polé kuwaro matterusi lao ri Azmon, nainappa natuttung ana’ saloé ri pakkasésénna Maséré, namaccappa ri Tasi Tengngaé. Makkuwaniro jori pakkaséséng seddé yattanna daéra untu’ suku Yéhuda. Sibawa iyaro jori pakkaséséng seddé yattanna sininna wanuwanna Israélié.
5Ri seddé alau, pakkasésénna iyanaritu Tasi Maté, matteru limanorang lettu ti toddanna Salo Yordan. Ri seddé manorang, pakkasésénna mappammulai ri toddanna Salo Yordanro,
6ménré ri Bét-Hogla, nainappa matteru lao ri pakkasésénna Lompo Yordan. Polé kuwaro iyaro pakkaséséng manoranna lettu’i ri Batu Bohan (Bohan iyanaritu ana’na Rubén),
7nainappa matteru ri Lompo Asussangngé lettu ri Débir, nainappa bélo’si limanorang ri Gilgal ri onrong iya siyolongngé sibawa émpeng bulué ri Adumim seddé yattanna lompo’éro. Polé kuwaro matterusi lao ri mata uwai En-Sémes, nainappa lao ri En-Rogel,
8nainappa ménré lalo ri Lompo Hinom lao ri seddé yattanna bulu-bulué, naonroiyé Yérusalém, kotana tau Yébus-é. Polé kuwaro iyaro jori pakkaséséngngé mattujui ri tompo bulu-bulué ri seddé yajanna Lompo Hinom, ri cappa manoranna Lompo Réfaim,
9nainappa matteru ri mata uwai Mé-Néftoah, lettu ri kota-kota seddéna Bulu Efron. Polé kuwaro jori pakkasésénna iyaro daéraé bélo’i mattuju ri Baala (iyanaritu Kiryat-Yéarim),
10sibawa mattulilingiwi bagiyang yajanna Baala mattuju ri buluna Edom, nainappa matteru lao ri bagiyang manoranna Bulu Yéarim (iyanaritu Bulu Késalon), sibawa nonno ri Bét-Sémes, nainappa matteru ri Timna.
11Polé ri Timna, iyaro jori pakkaséséngngé mattujui ri seddé manoranna Bulu Ekron, nainappa bélo’ ri Sikron, lalo ri Bulu Baala, matteru ri Yabneel, sibawa maccappa ri Tasi Tengnga,
12iya mancajiyé jori pakkaséséng seddé yajanna daéra suku Yéhuda. Ri lalenna daéraéro monroi sining tau polé ri kaluwarga-kaluwarga ri laleng suku Yéhuda.
13Situru paréntana PUWANGNGE lao ri Yosua, sibagiyang daéra Yéhuda riwéréngngi Kaléb ana’ Yéfune polé ri suku Yéhuda. Riwéréngngi Hébron, iyanaritu kota appunnangenna Arba, ambo’na Enak.
14Wija-wijanna Enak iyanaritu tau Sésai, Ahiman sibawa Talmai. Napaddésu manengngi mennang Kaléb polé ri Hébron.
15Polé kuwaro laowi gasai sining tau iya monroé ri Débir. (Iyaro kotaé tarompoi riyolo selaku Kiryat-Séfer.)
16Adanna Kaléb, "Nigi-nigi mulléi sittaiwi Kiryat-Séfer, weddingngi kawing sibawa ana’ makkunraikku, Akhsa."
17Otniél, ana’na silessurenna Kaléb iya riyasengngé Kénas, sittaiwi kotaéro; nanabbéréyanni Kaléb Akhsa, ana’na, mancaji bainéna Otniél.
18Ri esso akawingenna mennang, Otniél dessa’i Akhsa kuwammengngi naéllau sikonrong tana polé ri ambo’na. Naléssona Akhsa polé ri kaleddé’na, nanakkutananni Kaléb ri aléna aga iya nacinnaiyé.
19Nappébali Akhsa, "Macinnaka siyagangngaré mata uwai, saba’ tana iya nawéréngngékka ambo’ro monroi ri tana iya marakkoé." Nariwérénna ri Kaléb mata uwai ri bagiyang ulunna sibawa mata uwai ri bagiyang toddanna.
20Iyaé mangoloé iyanaritu tana iya riyabbéréyangngé lao ri kaluwarga-kaluwargaé ri laleng suku Yéhuda untu’ mancaji appunnangenna.
21Kota-kota iya kaminang mabélaé ri seddé yattang, iya mancajiyé appunnangenna Yéhuda, iyanaritu iya engkaé ri pakkasésénna Edom, iya manenna engka duwappulo aséra kota, muttama’ni désa-désaé ri seddéna. Iyaro kota-kotaé iyanaritu: Kabzeel, Eder, Yagur, Kina, Dimona, Adada, Kédés, Hazor, Yitnan, Zif, Télém, Béalot, Hazor-Hadata, Kériot-Hézron (iyanaritu Hazor), Amam, Séma, Molada, Hazar-Gada, Hésmon, Bét-Pélét, Hazar-Sual, Bérsyéba, Baala, Iyim, Ezém, Eltolad, Khésil, Horma, Ziklag, Madmana, Sansana, Lébaot, Silhim, Ain sibawa Rimon.
22(15:21)
23(15:21)
24(15:21)
25(15:21)
26(15:21)
27(15:21)
28(15:21)
29(15:21)
30(15:21)
31(15:21)
32(15:21)
33Kota-kota, muttama’ni désa-désaé ri seddéna, iya engkaé ri pong bulué, iya manenna engka seppulo eppa kota, iyanaritu: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azéka, Saaraim, Aditaim, Gedéra sibawa Gedérotaim.
34(15:33)
35(15:33)
36(15:33)
37Makkuwatoro seppulo enneng kota mangoloéwé silaong désa-désaé ri seddéna: Zénan, Hadasa, Migdal-Gad, Diléan, Mizpa, Yokteel, Lakhis, Bozkat, Eglon, Khabon, Lahmas, Khitlis, Gedérot, Bét-Dagon, Naama sibawa Makéda.
38(15:37)
39(15:37)
40(15:37)
41(15:37)
42Makkuwatoro aséra kota mangoloéwé silaong désa-désaé ri seddéna: Libna, Eter, Asan, Yiftah, Asna, Nézib, Kéhila, Akhzib sibawa Marésa.
43(15:42)
44(15:42)
45Makkuwatoro Ekron sibawa kota-kota baiccu’na enrengngé désa-désana,
46enrengngé sininna kotaé sibawa désaé ri seddéna Asdod, polé ri Ekron lettu ri Tasi Tengngaé.
47Makkuwatoro Asdod nenniya Gaza enrengngé kota-kota baiccu’na sibawa désa-désana iya tattale’é lettu ri seddéna ana’ saloé ri pakkasésénna Maséré sibawa wirinna Tasi Tengngaé.
48Ri daéra buluna engka seppulo séddi kota silaong désa-désaé ri seddéna: Samir, Yatir, Sokho, Dana, Kiryat-Sana (iyanaritu Débir), Anab, Estémoa, Anim, Gosyén, Holon sibawa Gilo.
49(15:48)
50(15:48)
51(15:48)
52Makkuwatoro aséra kota mangoloéwé, muttama’ni désa-désaé ri seddéna: Arab, Duma, Esan, Yanum, Bét-Tapuah, Aféka, Humta, Kiryat-Arba (iyanaritu Hébron) sibawa Zior.
53(15:52)
54(15:52)
55Makkuwatoro seppulo kota mangoloéwé silaong désa-désaé ri seddéna: Maon, Karmél, Zif, Yuta, Yizreel, Yokdéam, Zanoah, Kain, Gibéa sibawa Timna.
56(15:55)
57(15:55)
58Sibawa enneng kota mangoloétto, silaong désa-désaé ri seddéna: Halhul, Bét-Zur, Gedor, Maarat, Bét-Anot sibawa Eltékon.
59(15:58)
60Makkuwatoro iya duwa kota mangoloéwé silaong désa-désaé ri seddéna: Kota Kiryat-Baal (iyanaritu Kiryat-Yéarim) sibawa Kota Raba.
61Ri daéra padang kessi’é, engka enneng kota mangoloéwé silaong désa-désaé ri seddéna: Bét-Araba, Midin, Sekhakha, Nibsan, Kota Pejjé sibawa En-Gédi.
62(15:61)
63Kota Yérusalém muttama toni appunnangenna Yéhuda, iyakiya tau Yéhudaé dé’ naulléi paddésu’i tau Yébus-é iya monroé kuwaro. Lettu makkekkuwangngé tau Yébus-é monro mupi silaong tau Yéhudaé ri kotaéro.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel