1Riséuwaé esso sining kapala kaluwargaé ri laleng suku Léwi laowi ri Silo ri wanuwa Kanaan, sibawa mangolo ri Imang Eléazar, Yosua ana’ Nun, sibawa sining kapala kaluwargaé risininna suku bangsa Israélié. Makkedai mennang, "Naolai Musa, PUWANGNGE pura mapparéntangngi kuwammengngi lao ri idi, sining tau Léwié, riwérékki kota-kota untu’ onrotta monro sibawa tana-tana padang ri seddéna kota-kotaéro untu’ olokolo’ta."
2(21:1)
3Naccowérini tau Israélié paréntana PUWANGNGE. Polé ri tana appunnangeng aléna mennang, nawérénni tau Léwié kota-kota mattentué sibawa tana-tana padanna.
4Iya bunge-bunge’é tarimai kota-kotana iyanaritu kaluwarga-kaluwarga polé ri appanna Kéhat ri laleng suku Léwi. Kaluwarga-kaluwarga wija-wijanna Imang Harun riwéréngngi seppulo tellu kota polé ri daérana suku Yéhuda, Siméon sibawa Bényamin.
5Kaluwarga-kaluwarga laingngé polé ri appanna Kéhat riwéréngngi seppulo kota polé ri daérana suku Efraim, suku Dan sibawa suku Manasyé ri seddé yajanna Salo Yordan.
6Appanna Gérson lolongengngi seppulo tellu kota polé ri daérana suku Isakhar, Asyer, Naftali sibawa suku Manasyé iya ri seddé alaunaé Salo Yordan.
7Kaluwarga-kaluwarga polé ri appanna Mérari lolongengngi seppulo duwa kota polé ri daérana Rubén, Gad sibawa Zébulon.
8Makkuwaniro bangsa Israélié tawa-tawai kota-kotaéro sibawa tana-tana padanna naolai loteréi lao ri tau Léwié, pada-pada iya napparéntangngé PUWANGNGE lao ri Musa.
9Polé ri appanna Kéhat ri laleng suku Léwi, imang-ngimang wija-wijanna Harun ritu iya bunge-bunge tarimaéngngi kota-kotana; riwéréngngi mennang seppulo tellu kota sibawa silaong tana-tana padanna. Polé ri suku Yéhuda sibawa Siméon, tarimai mennang aséra kota, iyanaritu: Libna, Yatir, Estémoa, Holon, Débir, Ain, Yuta, Bét-Sémes sibawa Arba, iya riyasengngé situru asenna ambo’na Enak. Iyaro kotaé, makkekkuwangngé riyasenggni Hébron, iyanaritu séddiwi kota allinrungeng ri buluna Yéhuda. Sining dare’na sibawa désa-désana kotaéwé purani riwéréng Kaléb ana’ Yéfune untu’ mancaji tana appunnangenna. Polé ri suku Bényamin tarimai mennang eppa kota, iyanaritu: Gibéon, Géba, Anatot sibawa Almon.
10(21:9)
11(21:9)
12(21:9)
13(21:9)
14(21:9)
15(21:9)
16(21:9)
17(21:9)
18(21:9)
19(21:9)
20Kaluwarga-kaluwarga laingngé polé ri Kéhat riwéréngngi seppulo kota sibawa tana-tana padanna. Polé ri suku Efraim tarimai mennang eppa kota, iyanaritu: Bét-Horon, Kibzaim, Gézer sibawa Sikhem, séddiwi kota allinrungeng ri buluna Efraim. Polé ri suku Dan tarimai mennang eppa kota, iyanaritu: Eltéké, Gibeton, Ayalon sibawa Gat-Rimon. Polé ri suku Manasyé ri seddé yajanna mennang tarimai duwa kota, iyanaritu: Taanakh sibawa Gat-Rimon.
21(21:20)
22(21:20)
23(21:20)
24(21:20)
25(21:20)
26(21:20)
27Séddi appang laing ri laleng suku Léwi iyanaritu appanna Gérson. Iyaro kaluwarga-kaluwargaé ri laleng appanna Gérson riwéréngngi seppulo tellu kota silaong tana-tana padanna. Polé ri suku Manasyé ri seddé alaué tarimai mennang duwa kota iyanaritu: Beestéra sibawa Golan, séddiwi kota allinrungeng ri daéra Basan. Polé ri suku Isakhar tarimai mennang eppa kota, iyanaritu: Kisyon, Dobrat, Yarmut sibawa En-Ganim. Polé ri suku Asyer tarimai mennang eppa kota, iyanaritu: Misal, Abdon, Hélkat sibawa Réhob. Polé ri suku Naftali tarimai mennang tellu kota, iyanaritu: Hamat-Dor, Kartan sibawa Kédes, séddiwi kota allinrungeng ri Galiléa.
28(21:27)
29(21:27)
30(21:27)
31(21:27)
32(21:27)
33(21:27)
34Appang iya nasésaé ri laleng suku Léwi, iyanaritu appanna Mérari riwéréngngi seppulo duwa kota silaong tana-tana padanna. Polé ri suku Zébulon tarimai mennang eppa kota, iyanaritu: Yoknéam, Karta, Dimna sibawa Nahalal. Polé ri suku Rubén tarimai mennang eppa kota, iyanaritu: Bézer, Yahas, Kédemot sibawa Méfaat. Polé ri suku Gad tarimai mennang eppa kota, iyanaritu: Mahanaim, Hésybon, Yaézer sibawa Ramot, séddiwi kota allinrungeng ri Giléad.
35(21:34)
36(21:34)
37(21:34)
38(21:34)
39(21:34)
40(21:34)
41Jaji polé risining tana iya nappunnangiyé sininna bangsa Israélié engka patappulo aruwa kota silaong tana-tana padanna ri seddéna iya riyabbéréyangngé lao risining tau Léwié.
42(21:41)
43Makkuwaniro PUWANGNGE mabbéréyangngi lao ri umma Israélié sininna tana iya puraé Najjanciyang sibawa tanro lao ri néné-nénéna mennang. Puranana natudangi wanuwaéro mattette’ni umma Israélié kuwaro.
44Nasituru sibawa aga iya najjanciyangngé PUWANGNGE lao ri néné-nénéna mennang, iyaro wanuwaé amangngi nasaba nalinrungiwi PUWANGNGE. Sining balinna mennang dé’ muwi séddi mulléi méwai mennang, saba’ PUWANGNGE mpéréngngi apakalang lao ri tau Israélié polé ri sininna balinna.
45Narupaiwi PUWANGNGE tungke jancin-Na lao ri umma Israélié; dé’ muwi séddi iya dé’é Narupaiwi.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel