1So A mek op me mind dat A ain gwine come gin an tell oona ting wa gwine mek oona haat sad.
2Ef A beena mek oona haat sad, who dat gwine be lef fa mek me heppy? Ain nobody bot dem dat A mek sad, ainty?
3Dat hoccome A done write oona dat letta. A ain been wahn fa come an hab me haat sad cause A been mek sad by de same people wa oughta mek me rejaice. Cause A know fa sho dat wen A rejaice, oona gwine rejaice too.
4Wen A beena write ta oona, me haat been hebby an A beena warry bad. A beena cry plenty. Bot A ain write ta oona fa mek oona haat sad. A been write fa mek oona know hommuch A lob oona.
Oona Oughta Paadon de One wa Done Bad
5Now den, somebody done do a bad ting wa been mek people sad. Ain me, e done mek sad. Bot leh me say, e mek all oona sad somewhat. A ain wahn fa mek dat one feel bad tommuch.
6Mos ob oona done punish dat one yah, so dat done do fa um.
7So den, oona oughta paadon um now an courage um so dat e ain gwine git so sad dat e ain able fa go on no mo.
8Please leh um know dat oona lob um fa true.
9A done write oona dat letta cause A been wahn ta test oona an see ef oona ready all de time fa do wa A tell oona fa do.
10Wen oona done paadon somebody fa wa e done bad, A gwine paadon dat one too. An ef dey some reason fa me ta paadon sompin, A da paadon um fo Christ fa sake ob oona.
11A do dat so dat Satan ain gwine be able fa win out oba we een nottin. Cause we know e da scheme fa mek op bad ting fa do ginst we.
Paul Beena Warry een Troas
12Wen A got ta Troas fa tell um de Good Nyews bout Christ, A see dat de Lawd mek a way fa me fa wok dey.
13Bot een me haat A beena warry bad, cause A ain find me broda Titus dey. So A tell de people dey say, A da gwine, an A gone on ta Macedonia.
Een Christ We Win
14We tell God, tankya! Cause God mek Christ win out oba de powa ob ebil. An wen we one wid Christ, God all de time da mek we hab we paat wid Christ fa win out oba de powa ob ebil. An God da nyuse we fa spread all oba, wa people oughta know bout Christ, like a sweet smell kin spread all oba.
15We like de sweet smell wa da come fom incense, wa Christ da gii ta God. Dem people wa God da sabe an dem wa da gwine pon dey way fa be loss faeba, dey all da smell um.
16Fa dem wa da gwine ta hell, dat smell da a smell wa da kill. Bot fa dem wa gwine git sabe, dat smell dey da a smell wa da gii life. Ain nobody fit fa do dis wok ainty?
17Cause we ain like lotsa people wa da tell oda people God wod fa mek money. Bot cause God sen we, we wa da saab Christ, taak scraight wod fo God.
<< 2 Korintus 2 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel