1A John, de elda een de choch, da write ta me deah fren Gaius, wa A lob fa true.
2Me deah fren, A pray dat ya keep well an dat all ting gwine fine fa ya, jes like all ting fine wid ya soul.
3A been too heppy wen some Christian broda dem come an tell me how faitful ya been ta trute, jes like ya da keep on da waak een de true way.
4Ain nottin mek me mo heppy den fa yeh dat me chullun da waak een de true way.
We Oughta Hep We Christian Bredren
5Me deah fren, ya faitful fa true een wa ya da do fa de Christian bredren, eben wen ya ain neba see dem fo.
6Dey beena tell de choch people bout hommuch ya lob um. E gwine be a good ting fa ya fa hep um git ready fa go on dey journey gin een a way dat mek God heppy.
7Cause dem bredren yah done set out on dey journey fa sake ob Christ name, fa do e wok. An dey ain tek nottin fom dem wa ain bleebe pon God.
8So den, we wa trus een Christ oughta hep people like dem bredren yah. Cause dat way we da wok wid um fa de true way.
Diotrephes an Demetrius
9A done write ta de choch, bot Diotrephes wa lob fa pit esef head ob de res ob de choch people, ain pay no mind tall ta wa A tell um.
10So den, ef A come, A gwine taak bout wa e da do, da shrow slam at we wid bad wod wa ain de trute. Bot dat ain nuff fa um. Wen Christian bredren come, e ain welcome um. An wen oda people wahn fa welcome um, e stop um, an e dribe dem wa wahn fa hep, outta de choch.
11Me deah fren, mus dohn folla de ebil way. Jes folla de good, jes dat. De one wa da do good, e God chile, bot de one wa da do ebil, e ain neba see God.
12Ebrybody da taak, say Demetrius da do good. De trute esef tell we dat e do good. We da say e good too, an oona know dat we da taak de trute.
De Las Wod wa John Write een Dis Letta
13A got plenty ting fa write oona, bot A ain wahn fa set all dem down wid pen an ink.
14A hope fa come ta oona an see oona soon. An we gwine taak face ta face. (1-15) Peace be wid ya. We fren dem yah tell ya hey. An please tell all we fren dey hey fa we, one by one.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel