Alkitab Mobile SABDA
[VER] : [GULLAH]     [PL]  [PB] 
 <<  Wahyu 20 >> 

De Tousan Yeah

1Atta dat, A see one angel da come down outta heaben. E been hole een e han de key fa open de deep hole wa ain got no bottom an e been hole one big hebby chain too.

2De angel ketch de dragon. E dat ole saapent wa been dey fom way back. Dey call um de Debil o Satan. Dis angel tie de Debil op fa one tousan yeah.

3Den e shrow um way eenta dat deep hole wa ain got no bottom. E lock op de hole an seal um op tight, so dat det Debil ain gwine git out, an e ain gwine ceebe dem nation no mo til de one tousan yeah done pass. Atta dat, de angel mus loose um fa a leetle bit.

4Den A see dem trone an dem wa been seddown pon um. Dey been got tority fa jedge people. An A see de soul dem ob dem people wa done been kill. People done cut dey head off cause dey beena tell um de trute bout Jedus an God wod. Dem people yah wa done beena kill, dey ain neba woshup de beast o e statue, an dey ain neba git e maak pon dey head o dey han. Now A see dem git life back an dey rule wid Messiah Christ fa one tousan yeah.

5(De oda people wa done been dead ain been git life back til de one tousan yeah done pass.) Dis de fus time dat God mek people wa done been dead git life back.

6Dey bless fa true, all dem people wa fus git life back. Fa true dey blongst ta God. De secon det ain gwine do nottin ta um. Dey gwine be priest dem ob God an ob Messiah Christ. An dey gwine rule wid Christ fa one tousan yeah.

(Sectionhead)

7Wen de one tousan yeah done pass, dey gwine set Satan free fom weh e done been tie op.

8Den Satan gwine go out fa ceebe de nation dem een de fo cona ob de wol. Dem nation dey been name Gog an Magog. Satan gwine geda um togeda fa mek waa. Dey gwine be a whole heap ob um, like de numba ob dem grain ob sand pon de seasho.

9Dem aamy wa come fa fight, dey come maachin all oba de wol, an stanop all roun de place weh God people beena meet togeda. Dat de city wa God lob. Bot fire come down outta heaben an bun dem aamy all op.

10Den de Debil wa beena ceebe people, been troway, eenta de lake wa full op wid fire da bun wid sulfa. Dat de same place weh dey been troway de beast an de man wa say e God prophet bot e ain taak true. Dey een dat fire dey gwine suffa day an night, faeba an eba.

De Last Jedgiment

11Den A see one big white trone an de one wa seddown pon um. De sky an de wol jes gone way fom fo dat one pon de trone, an ain nobody shim no mo.

12An A see de people dem wa done been dead, dem big man an dem leetle man, dey all da stanop fo de trone. Somebody open some book op. Den e open one oda book, weh de people dem wa got life faeba an eba stanop wid God, dem name been write down. All wa de people dem wa done been dead, been do fo dey dead, dat been write down een dem fus book. An God been jedge dem coddin ta dem book.

13All de people dem wa done been dead een de sea come op. Det an de grabe gii op all de people dey been hab. An ebrybody been jedge coddin ta wa e been do fo e dead.

14Den det an de grabe been heabe eenta de lake ob fire. (Dis lake ob fire, dat de secon det.)

15De poson wa ain got e name write down een de book weh dey write de people dem wa got life faeba an eba, dey troway dat poson eenta de lake ob fire.



 <<  Wahyu 20 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran