Alkitab Mobile SABDA
[VER] : [KARO]     [PL]  [PB] 
 <<  2 Korintus 7 >> 

1Kerina padan enda ibahan Dibata man banta, o teman-temanku. Emaka sibersihkenlah banta i bas kerina sierbahanca kula ras tendinta meluat. Kita nggo khusus jadi sikerajangen Dibata; sibahanlah e jadi serta alu erkemalangen man BaNa.

Keriahen Paulus

2Alokenlah kami i bas pusuh peratenndu. La pernah ibahan kami salah man ise pe. La pernah ise pe irugiken kami. La pernah ise pe iperalat kami guna keuntungen kami.

3Si enda kukataken labo guna nalahken kam; sabap bagi si nggo kukataken ndai, maka kam nggo ialoken kami i bas pusuh kami seh maka kita tetap ersada, subuk mate ntah nggeluh.

4Tek kal aku nandangi kam janah megah kal kuakap kerna kam. Keriahen kami ngelebihi kerina kiniseran kami, emaka terapul kal aku.

5Kenca kami seh pe i Makedoni labo lit ketenengen i bas kami. Arah dampar si apai pe kami ikenai kiniseran: arah dampar si arah darat, perubaten; arah dampar si arah bas, aru ate.

6Tapi Dibata, si ngapuli kalak si lit i bas kepiceten ukur, nggo ngapuli kami alu kerehen Titus.

7Labo saja alu kerehenna, tapi pe alu berita si ibabana maka kam nggo mpegegehi ia. Iturikenna kerna uga tedehna atendu aku, uga erkadiolana kam, janah uga gegehna kam mbela aku. Erkiteken si e reh tambahna keriahenku.

8Aminna pe menek atendu ibahan suratku e, labo aku erkadiola. Tuhu kentisik erkadiola aku sabap kuidah maka menek atendu erdandanken suratku e.

9Tapi genduari meriah ukurku -- labo erdandanken menek atendu, tapi erdandanken menek atendu e erbahanca kam jera. Menek atendu e sue kap ras peraten Dibata, seh maka la kam sitik pe irugiken kami.

10Menek ate si sue ras peraten Dibata erbahan kalak jera kap, gelah ia selamat; janah kerna si e la perlu kalak erkadiola. Tapi menek ate si pelin-pelin erdandanken soal doni enda mabai ku kematen kap.

11Nehenlah! Uga ulina menek atendu si sue ras peraten Dibata e: genduari nggo tutus atendu encidahkenca maka pengadun kerna kam lanai tuhu. Nembeh kal atendu man kalak si ngguluti e. Mbiar kam, tedeh atendu. Ergiah-giah ukurndu ndalanken si bujur. Nggo icidahkenndu maka i bas kerina persoalen e la kam ersalah.

12Dage, amin kubahan pe surat e, si pentingna labo erkiteken kalak si ersalah e, ntah pe kalak si isalahken e. Tapi surat e kubahan gelah teridah man bandu kuga tutusna atendu mperdiateken kami i lebe-lebe Dibata.

13Si enda me erbahanca maka malem kal ate kami. Labo saja malem ate kami, tapi pe sampur keriahen kami ngidah uga riahna ukur Titus, erkiteken kerina kam nggo pesalangken ukurna.

14Nai kupujiken kam i lebe-lebena, janah la aku kemalun ibahanndu. Bagi kerina si ikataken kami man bandu tuhu kap, bage pe kai si ipujiken kami i lebe-lebe Titus nggo teridah maka e tuhu kap.

15Emaka genduari reh sampurna atena keleng nandangi kam, nginget kepatuhenndu man bana, janah nginget kuga nai kam ngaloken ia alu mehamat dingen erkemalangen man bana.

16Emaka meriah ukurku sabap banci kam kupenalem tuhu-tuhu.



 <<  2 Korintus 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel