Pertoton i bas kiniseran
1Masmur Daud: perngandungen.
2O TUHAN, ula UkumNdu aku alu RawaNdu! Ula siksa aku alu PernembehNdu si gara.
3Leket PanahNdu ngelukai badanku, kugejapken TanNdu mberat ndehken aku.
4Mesui kuakap perban PernembehNdu, mesui kerina dagingku erkiteken dosa-dosangku.
5Gedap aku i bas dosangku, dosa-dosangku mberatsa kuakap mabasa.
6Erkiteken kebodohenku, luka-lukangku nggo nanahen dingen mbau.
7Mungkuk takalku, getem kal pusuhku, gedang-gedang wari ceda ateku.
8Dagingku ngindet erkiteken penakit, la lit si mejuah-juah i bas dagingku.
9Ngalah kal dagingku dingen lanai kal lit gegehku, pusuhku getem, ndehereng aku ban suina.
10O TUHAN TehNdu kap kerina sura-surangku, kelsehenku pe terbegi man bandu.
11Pusuhku debet-debet, keri gegehku, matangku pe nggo seleng.
12Teman-temanku nggo lanai nggit deher ras aku, perban ugahen dagingku, kade-kadengku pe nadingken aku.
13Kalak si atena munuh aku pe itogengna siding, gedang-gedang wari, si jahat saja irencanakenna, guna ncilakaken aku alu tipu si jahat.
14Tapi aku desken kalak pasek si la erpemegi, desken kalak pekak si la banci ngerana.
15Tuhu, aku desken kalak si la erpemegi, janah erkiteken si e la banci nogani.
16Tapi o TUHAN Kam saja kap pengarapenku dingen Kam kap, Tuhan Dibatangku, ngaloi aku.
17Ula pelepas imbang-imbangku ersenang-senang sabap kiniseranku, ula pelepas ia meganjang ngerana erkiteken kinitalunku.
18Menam aku guling janah lalap mesui kuakap.
19Kuakui kelepakenku, getem pusuhku erkiteken dosa-dosangku.
20Imbang-imbangku megegeh dingen nterem, alu la ersabap nembeh atena aku.
21Ibalasna si mehuli alu si jahat, jenari imusuhina aku sabap kuayaki si bujur.
22O TUHAN ula aku ItadingkenNdu, o Dibatangku, ula Kam ndauh i bas aku nari. <38:23> - Pedaslah Kam reh nampati aku, o TUHAN keselamatenku.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel