Pertoton mindo penampat
1Masmur Daud.
2Dengkehken min sorangku erlebuh o Dibata; begiken min pertotonku.
3Tupung pengarapenku nggo peltep, ndauh i rumah nari, erlebuh aku BaNdu. Taruhken aku ku bas ingan cebuni si aman,
4sabap Kam kap pengawalku, benteng si enteguh ngalaken imbangku.
5Pelepas aku tading i bas KemahNdu kidekah geluhku, maka aku aman i teruh KabengNdu.
6Sabap Kam o Dibata, si nggo megiken padanku, IberekenNdu man bangku si jadi kerajangen kalak si erkemalangen man BaNdu.
7Cawir metualah raja; umur geluhna seh ersundut-sundut.
8O, Dibata rasa lalaplah ia jadi raja i adep-AdepenNdu, kawali min ia alu keleng AteNdu si tetap, dingen alu KesetianNdu. <61:9> - Adi bage lalap aku ngendeken ende-enden pujin man BaNdu, asum aku nehken persembahen tep-tep wari sue ras si kupadanken man BaNdu.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan