Ende-enden pengataken bujur
1Ende-enden.
2O Dibata, pernehenlah kami alu kiniulin, mekuah min AteNdu pasu-pasu min kami;
3gelah PeratenNdu itandai kalak i belang-belang doni, gelah kerina bangsa meteh maka Kam ngenca ngasup ngkelini manusia.
4O Dibata, ipuji bangsa-bangsalah Kam, kerinalah kalak ngataken bujur ku Kam.
5Rende-ersuraklah kerina bangsa-bangsa, rendelah alu ukur si meriah. Sabap bujur kap Kam i bas erbahan keputusen, janah kerina bangsa-bangsa i doni Kam si njujurkenca.
6O Dibata, ipuji bangsa-bangsalah Kam, ngataken bujurlah kerina bangsa-bangsa man BaNdu.
7Nggo ibereken taneh enda UlihNa, Dibata, Dibatanta nggo masu-masu kita. <67:8> - Dibata nggo masu-masu kita, kerinalah i belang-belang doni pehaga Ia.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel