Janji TUHAN man BangsaNa
1Bagenda nina TUHAN Dibata nu Israel man bangku,
2"Suratken i bas sada kitap kerina si nggo Kukataken man bandu.
3Seh me paksana bangsangKu Israel ras Juda iulihken bagi si ndube. Kubaba me ia mulih ku negeri si nggo Kubereken man nini-ninina janah jadi pusakana e mulihken. Aku TUHAN kap si nggo melasken ranan enda."
4Nina TUHAN kempak kalak Israel ras Juda,
5"Nggo Kubegi sora serko kebiaren. Sora serko perbahan gentar, labo perbahan dame.
6Genduari sungkunlah dingen ukurkenlah! Banci kin dilaki mupus? Ngkai maka Kuidah kerina kalak mecek beltek bali ras diberu si sangana mupus? Ngkai maka mbulan ayo kalak kerina?
7Nggo seh paksana seh me wari si mejin wari-wari si apai pe la terpeseri rassa, sada paksa keguluten man bangsangKu, tapi enggeluh nge ia."
8Nina TUHAN si Mada Kuasa, "Adi nggo seh warina, Kupenggelken me pasangen si i bas kuduk bangsa e janah Kutangtangi rante-rante si ngiket ia. Emaka lanai ia jadi budak bangsa si deban.
9Tapi isembahna Aku TUHAN Dibatana, janah sekalak i bas kesusuren Daud nari Kutangkuhken jadi raja.
10Ula mbiar o bangsangKu, o kalak Israel, ula kam gentar. Kupulahi me kam i bas negeri si ndauh e nari, i bas negeri inganndu tertaban nari. Mulih me kam ku kutandu, janah dame kam i je teneng me kam la ise pe erbahanca kam mbiar.
11Aku ras kam, janah Kukelini me kam. Negeri-negeri inganndu Kukerapken Kukernepken me. Tapi kam lang. Ugapa pe Kuukum nge kam tapi adi Kuukum kam bujur nge ukumen si Kubereken. Aku, TUHAN kap si nggo melasken ranan enda."
12Nina TUHAN man BangsaNa, "Lukandu seh kal kelekna ugahndu la terpepalem.
13Lanai lit kalak si pekena-kena kam, lanai lit tambar man barehndu, lanai lit arapen banci kam malem.
14Kerina si rate ngena man bandu nggo ngelupaken kam, lanai kam diatena pe. Nggo Kulawan kam desken sada musuh; ukumen man bandu mberat, erkiteken dosandu mbue dingen kejahatenndu pe mbelin.
15Ulanai kam jungut-jungut kerna ugahndu, lanai lit tambar man bandu. Bagenda pengukumKu man bandu erkiteken dosandu si mbue dingen kejahatenndu si mbelin.
16Tapi genduari kerina si nelen kam itelen me, kerina imbang-imbangndu iangkut jadi tabanen. Kerina kalak si nindih kam itindih me, dingen kerina kalak si ngerampuk kam irampuk me.
17Aminna pe musuh-musuhndu ngataken, 'Sion nggo terbuang la lit si mperdiatekenca.' Tapi Aku kap si pepalem kam Aku si nambari lukandu Aku TUHAN kap si nggo melasken ranan enda."
18Nina TUHAN, "Kubaba me mulih bangsangKu ku negerina, mekuah ateKu kempak kerina keluargana. Jerusalem ipanteki ka i bas inganna, dingen istanana pe ipekena.
19Kalak si ringan i je ngendeken ende-ende pujin, meriah me sorana ersurak. Erkiteken pemasu-masunKu ertuah me ia, pasu-pasungKu mereken kemulian man bana.
20Kuulihken gegeh bangsa enda bagi si nai-nai emaka paguh ka ia mulihi. Kerina kalak si nindih ia Kuukum.
21Si merentah ia reh i bas bangsana nari jine rajana i bas ia nari idahina Aku adi Kudilo ia, sabap ise kin pang ndeheri Aku adi la Kudilo? BangsangKu kap ia, Aku kap jadi Dibatana. Aku TUHAN kap si nggo melasken ranan enda."
22(Yer 30:21)
23Rawa TUHAN angin kaba-kaba kap, angin si erpiu-piu nderpa takal kalak jahat. Angin e la ngadi erpiu ndahiken dahinna, adi langa seh sura-surana. Kedungenna pagi tangkas me e kerina man BangsaNa.
24(Yer 30:23)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel