1PANGERAN adhabu, "Mara edhingngagi, he para imam! Gateyagi, he reng-oreng Isra’il! Edhingngagi, he reng-oreng toronanna rato! Ba’na la epotos eokoma. Sabab ba’na masthena ahakime epaadil, tape sabaligga ba’na padha ban barajak e Mizpa, padha ban jira’ e Gunong Tabor,
2ban akantha lobang se dhalem e Sitim. Daddi bi’ Sengko’ ba’na eokoma kabbi!
3Sengko’ tao kabbi parkara ba’na, he Isra’il! Ba’na ta’ kera ngenneng aroseya’agi apa’a bai ka Sengko’. Ba’na nyemba brahala ban ta’ esto pole ka Sengko’. Daddi, reng-orengnga ba’na la ta’ patot pole nyemba ka Sengko’."
4Kajahadanna oreng Isra’il andaddiyagi reng-oreng jareya ta’ bisa abali ka Allahna. Reng-oreng jareya la ecangkarem bi’ lalakonna nyemba brahala, sampe’ ta’ parduli pole ka PANGERAN.
5Kaangkowanna bangsa Isra’il ce’ katarana, ban daddi buktena kasala’anna. Dusana reng-oreng jareya andaddiyagi aba’na tatandhung ban labu, ban bangsa Yehuda noro’ labu abareng ban reng-oreng jareya.
6Reng-oreng jareya entar nyare PANGERAN ngeba dumba ban sape se egabaya kurban, tape kabbi tadha’ gunana. Sabab Pangeran la adinggallagi reng-oreng jareya, ban reng-oreng jareya ta’ bisa tatemmo ban Salerana.
7Reng-oreng jareya ta’ esto ka PANGERAN; na’-ana’na banne tra-pottrana Salerana. Daddi, ta’ abit pole reng-oreng jareya bakal epaancora epabareng ban gal-teggalla.
8Mara tope tarompet e Gibeya! Pamonye tandha ngajak akompol aperranga e Rama! Mara aera’ ngoca’agi cerrengnga paperrangan e Betel! Mara, oreng Benyamin, mara maju aperrang!
9Isra’il bakal ancora, sabab la napa’ baktona kaangguy ngokom bangsa jareya. Edhingngagi, he oreng Isra’il, jareya kabbi tanto kalakon!
10PANGERAN adhabu, "Sengko’ peggel polana pin-pamimpinna Yehuda nyerrang Isra’il sarta arampas tanana. Daddi Sengko’ neba’agiya okoman ka reng-oreng jareya epakantha’a banjir.
11Isra’il etendhes; Isra’il kaelangan ha’na ka tanana, sabab aba’na maksa menta’a tolong ka se sabendherra ta’ ngenneng nolong aba’na.
12Jareya sababba arapa Sengko’ me’ maancora Isra’il, sarta matompessa Yehuda.
13Bangsa Isra’il ban bangsa Yehuda apangrasa ka kabadha’anna se juba’, daddi Isra’il entar ka Asyur menta’a bantowan dhari rato agung. Tape rato jareya ta’ bisa nolong otabana mabecce’ kabadha’anna bangsa jareya.
14Akantha macan se nyerrang, bariya keya Sengko’ nyerranga oreng Isra’il ban Yehuda. Sengko’ dibi’ se bit-nyebbida bangsa se dhadhuwa’ jareya, samarena jareya bi’ Sengko’ pas edina’agiya. Mon bi’ Sengko’ reng-oreng jareya eeret egiba dhari kennengnganna, ta’ kera badha oreng settonga se bisa’a nolong reng-oreng jareya.
15Bi’ Sengko’ Tang ommat edina’agiya sampe’ cokop nanggung sangsara polana sa-dusana, sarta pas dhateng nyare Sengko’. Olle daddi e dhalem kasangsara’anna, reng-oreng jareya bakal aehteyara nyare Sengko’."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel