1Kaangguy pamimpinna koor. Jaburra Daud. Oreng budhu ngoca’ e dhalem atena, "Allah reya tadha’." Reng-oreng jareya juba’ tengkana, tadha’ se alako becce’, padha jahadda.
2Dhari sowarga PANGERAN ngoladi manossa, nyare’e oreng bicaksana se abakte ka Salerana.
3Tape oreng la padha rosak ban bejjat, tadha’ settonga se becce’ lalakonna.
4Dhabuna PANGERAN, "Ba’ ta’ apangrasa’a reng-oreng jahat jareya? Lakona arampas dhi’-andhi’na Tang ommat, ban ta’ endha’ abakte ka Sengko’, Pangeranna."
5Oreng jahat bakal tako’a parana, sabab Allah ngaobi oreng se ta’at ka Salerana.
6Oreng jahat lang-ngalangana oreng mesken, tape PANGERAN se daddi pangaobanna.
7Moga-moga dhari Siyon dhatengnga kasalameddan kaangguy Isra’il! Sopaja toronanna Yakub senneng atena, mon PANGERAN mabali kabadha’anna ommadda epakantha asalla.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel