1Molja’agi PANGERAN! He tang sokma, molja’agi PANGERAN!
2Sengko’ ngagungngagiya Pangeran saomorra, anyanye kaator ka Allah saabidda sengko’ gi’ badha e dunnya.
3Ja’ ngarep ka pangobasa, ka manossa se ta’ bisa madhateng kasalameddan.
4Mon la mate, reng-oreng jareya abali ka tana; e are jareya keya sakabbinna sajjana mosna.
5Pojur oreng se ngandellagi GUSTE Allahna, se andhi’ Allahna Yakub se nolong aba’na.
6Allah jareya se abadhi langnge’ ban bume, tase’ ban saessena; Salerana esto salanjangnga.
7Salerana abilla reng-oreng se tatendhes, apareng kakan ka oreng se lapar. PANGERAN mabebas para tahanan,
8mamella’ matana oreng se buta. Majaga oreng se labu, taresna ka oreng se jujur.
9Salerana ngaobi reng-oreng manca; nolong kana’ jatim ban para randha, tape mabuddhu sajjana oreng se jahat.
10PANGERAN reya Rato salanjangnga. He Siyon, Allahna ba’na kobasa dhari lamba’ ban saterrossa. Molja’agi PANGERAN!
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan