1Ya Allah, parenge abdidalem kaadilan, billa’agi abdidalem ngadhebbi bangsa se daraka; palopottagi abdidalem dhari oreng jahat sareng tokang tepo.
2Junandalem Allah, se ngaobi abdidalem; aponapa abdidalem me’ edinggallagi, GUSTE? Aponapa abdidalem me’ kodu terros nyandhang sossa lantaran etendhes moso abdidalem sadajana?
3Nyata’agi kaestowannepon Junandalem kaangguy nyonare sareng nonton abdidalem, sopaja abdidalem abali ka Siyon, gumo’epon Junandalem se socce, sareng abali ka Padalemmannepon Junandalem.
4Daddi abdidalem mangkada ka mezbaepon Junandalem, GUSTE, ngadhebba ka Junandalem, Allah somberra kasennengngan abdidalem. Abdidalem anyanye sambi nabbuwa calempong, amolja’agiya Junandalem, Guste Allah, Allah kaula.
5Arapa tang ate me’ sossa ban posang? Sengko’ ngarep ka Allah, daddi sengko’ asokkora pole ka Salerana, ka tang Allah panyalamet sengko’ reya.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel