1Jaburra kaom Korah. Kaangguy pamimpinna koor. (47-2) Mara akopa’ paperak, sa-bangsa kabbi! Anyanye pakaja amolja’agi Allah!
2(47-3) Sabab PANGERAN Se Mahatenggi reya nako’e, Rato Agung se ngobasane saantero bume.
3(47-4) Sengko’ ban ba’na padha epamennang ka sa-bangsa, epadaddi pangobasana ku-suku bangsa.
4(47-5) Sengko’ ban ba’na padha emeleyagi tana sangkolan, kagumbira’anna bangsa se ekataresnae Salerana.
5(47-6) Allah la alenggi e korse karaja’anna, eerenge sorak ban monyena tarompet.
6(47-7) Nyanyeyagi pojiyan amolja’agi Allah, nyanyeyagi pojiyan ngagungngagi Ratona sengko’ ban ba’na!
7(47-8) Allah reya Rato e saantero bume, molja’agi Salerana ban nyanyeyan se bagus!
8(47-9) Allah alenggi e korse karaja’anna se socce; Salerana marenta sa-bangsa.
9(47-10) Para pamimpinna sa-bangsa padha akompol menangka ommadda Allah se epojja Ibrahim. Sabab Allah reya Ratona rato, se talebat agung ban molja.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan