1Jaburra Asaf. Ya Allah, bangsa se ta’ oneng ka Junandalem ngobasane tana sangkolannepon Junandalem. Padalemman Socce epanajjis, Yerusalim epadaddi jur-gujuran.
2Mayyidda para abdiepon Junandalem edinggallagi daddi kakanna mano’ e bang-abang. Jinazana para kakaseepon Junandalem daddi kakanna burun alas.
3Dharana reng-oreng gapaneka ngalowa akadi aeng, daddi sakottha Yerusalim; mayyidda tadha’ se ngoburragi.
4Abdidalem sadaja ekala’-gella’ sareng sa-bangsa tatangga, eya-seya tadha’ ambuna.
5Ponapa salanjangngepon Junandalem se duka’a, GUSTE, se tamburuwan parana tadha’ ambuna akantha apoy?
6Teba’agi dadukannepon Junandalem ka sa-bangsa se ta’ oneng ka Junandalem, sareng ka sadajana karaja’an se ta’ oneng abakte ka Junandalem.
7Sabab sa-bangsa gapaneka mate’e ommattepon Junandalem, sareng maancor po’-compo’na.
8Ja’ ngokom abdidalem lantaran dusaepon para bangatowa. Duli kabellasi abdidalem, Guste, sabab abdidalem sadaja ampon potos pangarep.
9Nyo’ona tolong, abdidalem sadaja, Guste, Junandalem se masalamet abdidalem sadaja; parenge sapora sadajana dusa abdidalem sadaja, sareng pasalamettagi abdidalem sadaja bit kahormadannepon Junandalem.
10Ja’ kantos sa-bangsa laen padha atanya, "Kemma Allahna reng-oreng rowa?" Parenge abdidalem sadaja kasempadan, panengale babalessepon Junandalem ka sa-bangsa se mate’e di-abdiepon Junandalem.
11Peyarsa’agi serrona para tahanan; moga reng-oreng se ampon epotossagi sopaja mateya eparengngana paggun odhi’ bit kobasaepon Junandalem.
12Adhu Guste, parenge babales sa-bangsa gapaneka kantos pettong kaleepon, lantaran ya-nyeya Junandalem.
13Daddi abdidalem sadaja, para ommat, ba-dumba se eowan Junandalem, asokkora salanjangnga ka Junandalem, sareng mojiya Junandalem ron-temoron saterrossa.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel