Alkitab Mobile SABDA
[VER] : [MADURA]     [PL]  [PB] 
 <<  Pengkhotbah 10 >> 

1Babathangnga lala’ mabaceng mennya’ ro’om sabutol, hekmat se tenggi epaelang kabudhuwan se sakone’.

2La kappra mon oreng penter ajalannagi kabecce’an ban oreng budhu ajalannagi kajahadan.

3Kabudhuwanna katon dhari tengka gulina. Kagendhengnganna eduduwagi ka sakabbinna oreng.

4Mon ba’na edukane pangobasa, ja’ menta ambu dhari lalakonna. Maske raja kasala’anna ba’na, mon sabbar ban kalem ba’na esapora keya.

5Badha kajahadan laen se etangale sengko’ e dunnya reya, iya areya panyalewenganna para pangobasa.

6Oreng budhu eberri’i pangkat se molja, oreng raja eberri’ kennengngan se mandhap.

7Sengko’ tao nangale’e nor-dunor nompa’ jaran, dineng oreng agung ajalan soko akantha dunor.

8Sapa se ngale lobang tanto tabalusok ka dhalemmanna; sapa se agubang geddhung bakal ekekke’a olar se mandi opassa.

9Sapa se alako e pangaleyanna bato tanto loka polana bato jareya. Sapa se nyeba’ kaju olle daddi calaka’ sampe’ ena badanna.

10Mon birangnga ba’na tompol ban ta’ egangse ba’na kodu alako lebbi berra’. Angguy akkalla se sehat, apa se elakonana ator kaadha’ sabellunna.

11Mon olar ngekke’ sabellunna epanotot bi’ wa’-duwa’, dhukonna olar tanto la tadha’ gunana.

12Cacana oreng penter andaddiyagi aba’na ehormadi, tape oreng budhu mate polana cacana dibi’.

13Dha’-adha’na molae ban caca se tadha’ parlona, dhi-budhina cacana akantha oreng gila.

14Oreng budhu pajat bannya’ cacana. Tadha’ oreng se tao kadaddiyan apa se bakal dhatengnga. Tadha’ se bisa nebbak apa se kadaddiyana mon sengko’ ban ba’na la tadha’.

15Coma oreng budhu se ta’ tao jalan ka bengkona, alako berra’ tadha’ ambuna.

16Palang nagara se ratona gi’ ce’ ngodhana, ban ja-pangrajana samalem benteng apesta tadha’ ambuna.

17Pojur nagara se ratona ehormat ban ekatako’e ra’yat, se ja-pangrajana pera’ ngakan mon la napa’ baktona, ta’ endha’ mabu’ ban penter ngampet atena.

18Ata’na bengko tanto bucor mon ta’ epateppa’, dhi-budhina bengko jareya mopok lantaran kamalessan.

19Pesta magella’ oreng, ban anggur maperak atena oreng. Tape se epamajara parlo pesse.

20Ja’ ca’-ngoca’e rato, maske pera’ e dhalem ate. Ja’ mesowe oreng sogi, maske e katedhunganna dibi’. Olle daddi mano’ ngedhing se ekoca’agi ba’na, pas ekabala ka orengnga.



 <<  Pengkhotbah 10 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2021
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran