1Batessa tana e bagiyan dhaja malanjang ka temor, molae dhari Tase’ Tengnga ka kottha Hetlon, terros ka jalan ka Hamat, kottha Hazar-Enan, sampe’ ka bates e antarana kottha Damsyik ban kottha Hamat. Ku-suku se kasebbut e baba reya kodu padha narema bagiyan bang-sebang dhari tana se molae dhari bates temor ka bara’ sampe’ ka Tase’ Tengnga, toro’ gilirra dhari dhaja ka lao’ kantha reya: Dan, Asyer, Naftali, Manasye, Efraim, Ruben, Yehuda
2(48:1)
3(48:1)
4(48:1)
5(48:1)
6(48:1)
7(48:1)
8Bagiyan saterrossa dhari tana jareya kodu epesa malolo kaangguy kaparlowan se la etantowagi. Lanjangnga kodu dhubellas kilo satengnga dhari bates dhaja sampe’ ka lao’. Tes-bates temor ban bara’ kodu padha lanjangnga ban bagiyan se ebagi ka ku-suku Isra’il. Padalemman Socce epaddegga e bagiyan jareya.
9Sabagiyan dhari dhaera jareya kodu eangguy kaagem PANGERAN malolo, iya reya tana e bagiyan pusat, lanjangnga dhubellas kilo satengnga ban lebarra sapolo kilo.
10E bagiyan tengngana tana jareya epaddeggana Padalemman Socce. Para imam kodu narema bagiyan dhari dhaera se socce jareya. Bagiyanna para imam jareya dhubellas kilo satengnga dhari penggir temor ka bara’, ban lema kilo dhari dhaja ka lao’.
11Dhaera se malolo etantowagi kaangguy settong kaparlowan jareya kodu ekaandhi’ mam-imam toronanna Zadok. Mam-imam toronanna Zadok jareya esto aladine Pangeran, ta’ akantha suku Lewi se sasuku ban toronanna Zadok, se noro’ alako dusa ban reng-oreng Isra’il laenna.
12Daddi toronanna Zadok jareya kodu eberri’i tana se malolo kaangguy toronanna Zadok salaenna tana se ebagiya ka oreng Lewi. Dineng tana se malolo kaangguy toronanna Zadok jareya talebat soccena.
13Tanana reng-oreng Lewi jareya lanjangnga dhubellas kilo satengnga dhari temor ka bara’, ban lebarra lema kilo dhari dhaja ka lao’ sajajaran ban tanana para imam.
14Tana jareya maske sakelan ta’ olle ejuwal otaba eporop; bagiyan se paleng bagus dhari tana Isra’il ta’ olle ngalle ka tanangnga oreng laen, sabab tana jareya la etantowagi kaagem PANGERAN malolo ban daddi kaagunganna.
15E lao’na tana se etantowagi kaangguy settong kaparlowan jareya, gi’ badha karena, lanjangnga dhubellas kilo satengnga, ban lebarra dhu kilo satengnga. Bagiyan jareya ta’ socce ban olle eangguy ra’yat kaangguy kennengnganna bengkona ban kaangguy talon, e bagiyan tengngana kodu epaddeggi kottha.
16Kottha jareya kodu masagi empa’, lanjang ban lebarra okoranna padha dhu kilo saparapat.
17E sabingkerra kottha jareya kodu badha lon-alon se lebarra saratos sagame’ meter.
18E temorra ban e bara’anna kottha jareya badha lon-alon se okoranna lema kale dhuwa’ satengnga kilo. Lon-alon se dhadhuwa’ jareya kodu ekagabay tana partaneyan bi’ pandhudhu’ kottha.
19Reng-oreng dhari sakabbinna ku-suku Isra’il se enneng e kottha jareya olle agarap tana jareya.
20Daddi tana jareya kabbi, tamaso’ tana se malolo kaangguy kaparlowan se la etantowagi ban tana jareya kaangguy kottha, abangon masagi empa’ okoranna lanjang ban lebarra padha dhubellas kilo satengnga.
21Tana e bagiyan bara’ ban temor e dhaera jareya se esadhiya’agi kaangguy Padalemman Socce, para imam, oreng Lewi ban kottha jareya, daddi andhi’na pangobasa se marenta. Bagiyan jareya malanjang ka temor ka bates bagiyan temor, ban ka bara’ sampe’ gan Tase’ Tengnga, badha e antarana tana Yehuda ban tana Benyamin.
22(48:21)
23Tana se badha e lao’na dhaera se malolo kaangguy kaparlowan se la etantowagi jareya, andhi’na ku-suku se laen. Rajana molae dhari bates temor ka bara’ sampe’ ka Tase’ Tengnga, gi-bagi toro’ gilir dhari dhaja ka lao’ kantha reya: Benyamin, Simeyon, Isakhar, Zebulon, Gad,
24(48:23)
25(48:23)
26(48:23)
27(48:23)
28E lao’na tana Gad badha bates se molae dhari bara’ dhajana Tamar lebat somber Kades-Meriba, terros ka bara’ lao’ salanjangnga batessa Messer sampe’ ka Tase’ Tengnga.
29GUSTE Allah Se Mahatenggi adhabu, "Daddi tana jareya kodu egi-bagi ka ku-suku Isra’il kantha jareya."
30Labang mon maso’a ka Yerusalim badha dhubellas meggi’. Geddhungnga se pa’-empa’ okoranna bang-sebangnga padha dhu kilo saparapat, padha badha labang sakethengnga tatello’ ebang. Sabban labang enyamae ngangguy nyamana sala settong dhari suku Isra’il. Bang-labang se e bagiyan dhaja enyamae Ruben, Yehuda ban Lewi; bang-labang e pagar geddhung temor enyamae Yusup, Benyamin ban Dan; se e geddhung lao’ enyamae Simeyon, Isakhar ban Zebulon; dineng se e geddhung bara’ enyamae Gad, Asyer ban Naftali.
31(48:30)
32(48:30)
33(48:30)
34(48:30)
35Geddhung jareya lanjangnga kabbi sangang kilo. Ban molae sateya kottha jareya bi’ oreng enyamae "PANGERAN BADHA E DHINNA’!"
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel