Alkitab Mobile SABDA
[VER] : [MADURA]     [PL]  [PB] 
 <<  Yeremia 41 >> 

1E bulan petto’ taon jareya Isma’il ana’na Netanya kompoyya Elisama entar ka Mizpa abareng oreng kasapolo terro atemmowa ban Gedalya. Isma’il reya toronanna rato, sala settong dhari parwira tenggina karaja’an. Teppa’na kabbi padha ngakan areng-bareng,

2Isma’il ban oreng se kasapolo rowa ngonos peddhangnga pas mate’e Gedalya gubennor angkadanna oreng Babil rowa.

3Isma’il mate’e keya sakabbinna oreng Yehuda se akompol ban Gedalya e Mizpa, ban sakabbinna tantara Babil se kateppa’an badha e jadhiya.

4Kalagguwanna, sabellunna badha oreng tao ja’ Gedalya epate’e oreng,

5badha oreng entar ka jadhiya, bannya’na ballung polo oreng, dhari Sikhem, Silo ban Samaria. Reng-oreng jareya la nyokor janggu’na, nyebbit kalambina, ban ari-duri badanna. Reng-oreng jareya ngeba gandum ban mennyan eatorragiya e Padalemman Socce.

6Isma’il laju kalowar dhari Mizpa ngamba’ reng-oreng jareya. Sambi nanges Isma’il ngoca’, "Ngereng ja’ nengalana Gedalya."

7Buru maso’ ka dhalem kottha, Isma’il ban reng-orengnga mate’e reng-oreng jareya. Tape sapolo oreng e antarana ngoca’ ka Isma’il, "Ampon ja’ pate’e kaula! Kaula gi’ gadhuwan gandum dhu macem, jugan mennya’ jaitun, sareng maddu. Sadaja bi’ kaula eerrep e lowarra kottha." Daddi reng-oreng jareya Isma’il ta’ epate’e, tape se laen epate’e kabbi, ban mayyidda epelpallagi ka dhalem somor.

8(41:7)

9Somor jareya raja, se abadhi Rato Asa e bakto eserrang Baesa rato Isra’il.

10Saellana jareya Isma’il laju nangkep para pottrena rato ban sakabbinna oreng se gi’ badha e Mizpa se bi’ Nebuzaradan esoro jaga ka Gedalya. Reng-oreng jareya bi’ Isma’il etawan kabbi, pas egiba mangkat nojju ka dhaera Amon.

11Yokanan ana’na Kareyah ban sakabbinna parwira se ekabareng padha ngedhing parkara kajahadanna Isma’il jareya.

12Daddi Yokanan ban reng-orengnga laju nyerser Isma’il; se eserser ecapo’ gan taman se raja Gibeyon.

13E bakto nangale’e Yokanan ban ra-parwirana dhateng, para tawananna Isma’il padha ce’ peragga,

14laju abalik berka’ nyander ka rombonganna Yokanan jareya.

15Tape Isma’il ban reng-orengnga kaballu bisa lolos, buru ka nagara Amon.

16Saellana jareya Yokanan ban ra-parwirana makompol para parjurit, babine’an, na’-kana’, ban para ponggaba karaton se etawan Isma’il saellana mate’e Gedalya.

17Reng-oreng jareya laju padha tako’ kabbi ka oreng Babil, polana Isma’il mate’e Gedalya se bi’ rato Babil epadaddi gubennor e nagara jareya. Daddi reng-oreng jareya laju padha buru ka Messer. E tengnga jalan padha ambu e Kimham e seddi’na Betlehem.

18(41:17)



 <<  Yeremia 41 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel