1Dhari settong nagara e bara’na Songay Sudan badha monye akantha monyena nyarowan.
2Dhari nagara jareya dhateng ta-dhuta se alengka Songay Nil nompa’ parao dhari pandhan. E, para otosan se kesset, duliyan mole ka nagarana se elebadi ngay-songay rowa. Giba pessen ka bangsana ba’na se kowat ban parjuga rowa, ka reng-oreng e nagarana ba’na se gi-tenggi ban kole’na alos sarta ekatako’e oreng sadunnya.
3He, sakabbinna oreng se badha e bume! Abassagi mon bul-ombul epaongga ka konco’na nong-gunong! Edhingngagi mon tarompet epamonye!
4PANGERAN adhabu ka sengko’, "Dhari Tang kennengngan e attas, Sengko’ ngabasa ka baba kalaban ate ayem, padha ban ayemma ebbun se gaggar e baja malem se panas e mosem anye, ban terrang akantha sonarra are e baja seyang.
5Sabellunna mosem anggur, e bakto kembangnga ngalotor ban anggurra gi’ ta’ massa’ e bungkana, Sudan bakal epaancora mosona, gampangnga akantha ladding se ngerra’ ca’-ranca’na bungkana anggur.
6Mayyidda rit-parjuridda bakal edina’a daddi kakanna no’-mano’ e mosem nemor, ban burun alas e mosem nembara’."
7Bakal napa’a baktona oreng ngeba tor-ator ka PANGERAN Se Mahakobasa dhari nagara se elebadi ngay-songay jareya, dhari bangsana se gaga’ parjuga, dhari reng-orengnga se tenggi ban alos kole’na ban ekatako’e oreng sadunnya. Reng-oreng jareya bakal dhatengnga ka Gumo’ Siyon, ka kennengnganna oreng nyemba PANGERAN Se Mahakobasa.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel