1Kelong-kelong. Pammujina Daud. (108-2) Majarreki tappakku, o, Allata’ala, erokka’ akkelong siagang mammuji mae ri Katte. He ambangungko, nyawaku!
2(108-3) He ambangungko, gambusu’ siagang kacapi! Erokka’ ampabangungi bari’basaka.
3(108-4) O, Batara, erokka’ appala’ sukkuru’ mae ri Katte ri alla’na bansa-bansaya. Erokka’ akkelong kelong pammuji mae ri Katte ri alla’na umma’ rupataua.
4(108-5) Saba’ pangngamaseang lompoTa narapiki langika siagang nyawa tamamminraTa sa’genna rammanga.
5(108-6) O, Allata’ala, Kipappicinikangi kalompoanTa ri langi’, siagang kala’biranTa ri sikontu linoa.
6(108-7) Kipasalamaki ikambe siagang koasaTa, Kipilangngeri pappala’ doanna ikambe, sollanna nipasalama’ sikamma tau Kikamaseanga.
7(108-8) Battu ri pammantangang matangkasa’Na Nakana Allata’ala, "ErokKa’ akkio’ rannu na Kubage-bage butta Sikhem, ka’bung Sukot laKugoccangi nomoroka.
8(108-9) Gilead siagang Manasye iNakke pata, Efraim topi bajaKu, siagang Yehuda takkang kakaraengangKu.
9(108-10) Mingka Moab iami tampa’ pa’bissang bangkengKu; akkio’ rannuA’ ammeta mae ri Filistea. Mae ri Edom Kupasambila pa’lapa’ bangkengKu, a’jari tanra angkana iNakke ampatangi."
10(108-11) Inai langngeranga’ mange ri Edom? Inai lanrurunganga’ mange ri anjo kota pattahangnganga?
11(108-12) O, Allata’ala, tenaka Kimminawang siagang ikambe? Tenaka Kimaju siagang tantarana ikambe?
12(108-13) Kitulungi ikambe mae ri musua, saba’ tena matu-matunna bantuanna rupataua.
13(108-14) Labaraniki’ punna Narurungangki’ Allata’ala; Iami ambetai musunta.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel