Alkitab Mobile SABDA
[VER] : [MAKASAR]     [PL]  [PB] 
 <<  Mazmur 12 >> 

1Untu’ pamimping pakelong. Situru’ lagu makasagantuju. Pammujina Daud. (12-2) Kitulungi ikambe o, Batara, nasaba’ tenamo tau baji’, sikamma tau majarreka ri Katte lanynya’ ngasemmi.

2(12-3) Para siballe-ballei ngasemmi ke’nanga, massing sitipumi siagang kana-kana te’ne.

3(12-4) Kipammarimi anjo kana-kana manynyonyo’na ke’nanga, o, Batara, Kitongkoki bawana tu lompo bawaya

4(12-5) angkanaya, "Makoasai ikambe siagang lilana ikambe! Manna apa akkulleji napau ikambe, na tena akkulle anrompai!"

5(12-6) Nakana Batara, "Tau kasi-asia nijallakkangi na tau sessaya akkunrarengi. Jari battu memamMa’ ri kamma-kammaya anne assarei kasannangngang naminasaia ke’nanga."

6(12-7) Majarreki janjinNa Batara siagang akkullei nirannuang, sanrapang pera’ ci’nong niso’ri lalang pepe’.

7(12-8) Tu ja’dalaka a’la’bangi a’lampa kemae-kemae, nipakalompoi kaja’dallanga ri inai-nai tau. Mingka iKatte a’la’langi ikambe, o, Batara, Kijagaimi ikambe battu ri sikamma anjo tu ja’dalaka.

8(12:7)



 <<  Mazmur 12 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel