Ndékok Oné Bahi-Réha Weki Serani
1Poli dengén laku, te manga ata inung toé nipu agu hang toé tanda oné bahi-réha méu. Ngot pandé nenggitu toé dé’it manga dumpun laku oné wa’u bana ata toé pecing Mori Keraéngs, te manga ata jurak agu wina de eman.
2Koném po nenggitu, méu mésé nai kis. Céwé di’an méu ngawa-ngaés agu mbérs ata situt pandé da’at oné-mai bahi-réha méud.
3Ai aku koném po tadang oné-mai méu, maik naig ruis agu méu. Ali hitu aku manga oné bahi-réha méu kudut wahéng ata te pandé da’at hitu.
4Émé impung kis méu, aku manga oné bahi-réha méu ali kuasa di Yésus, Mori dité,
5ata hitut pandé da’at paka téing oné jing da’at le ngasang de Mori Yésus, wiga ampus taung wekin, maik wakarn ga pandé selamak du leso de Mori Keraéng.
6Toé di’an mésé nai de méu hitu. Toé néng baé le méu ko, koném cekoén kaut ragi maik ngancéng pandé bombong taung roti?
7Oké koés ragi manga situ, ngong ndékoks, wiga méu ciri hamol weru. Pecing laku te méu toé manga ndékoks. Ai anak jimbal Paska dité ngong hi Kristus, polig mbelén.
8Landing hitu mai ga ité pandé ramé, toé ali ragi manga, ngong gauk da’at agu pandé da’at, maik ali roti ata toé manga ragin, ngong nggeluk agu molor.
9Olo poli tulis laku latang te méu, kudut méu néka léjong agu ata situt pandé jurak.
10Betuan daku, toé ngong sanggéd taung ata pandé jurak oné-mai lino ho’o, ko ata gomeng, ata nggopét ko agu ata io pina-naéng, ai émé nenggitu, méu paka legong lino ho’o.
11Betuan tulis daku hitu, kudut méu néka léjong agu ata situ, koném po carod asé-ka’é ca imbi, maik isé situ ata jurak, ata gopa, ata io pina-naéng, loér ata, ata langu agu ata nggopét, néka kéta manga hang cama agu ata nenggitu.
12Ai le kuasa apa aku ngancéng beté-bicar isé situt be pé’ang-mai weki serani? Toé weli méu paka pandé beté-bicar isét manga oné bahi-réha weki serani?
13Isét manga be pé’ang mai weki serani kudut beté-bicar le Mori Keraéngs. Mbérs le méu ata situt pandé da’at oné-mai bahi-réha méu.
<< 1 Korintus 5 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel