1Landing hitu, co’om jerék koét, boto manga cengatan ata oké musi, koném po reké te ngo oné osang asi Diha manga kin.
2Ai keréba di’a hitu poli tombon oné ité, cama ného oné isé. Maik tombo hitu toé manga betuan latang te isé. Ai isé toé ca imbi agu sanggéd ata situt séngétn.
3Landing itét manga imbid, te ngo oné osang asi, ného manga taé Diha: “Wadak Aku oné rabo: Isé toé ngo oné osang asi Dakus.” Mori Keraéng taé nenggitu, koném po polis gori Diha du pu’ung dédékn lino.
4Ai latang leso te pitun poli dé’it tombon oné Surak Nggeluk, “Mori Keraéng asi oné leso te pitun, oné-mai sanggéd gori Diha.”
5Oné Surak Nggeluk hitu bacang kolé lité, “Isé toé ngancéng ngo oné osang asi Dakus.”
6Jari, manga pisa taus ata ngancéng te ngo oné osang asi hitu, maik isét laring cain dengé keréba di’a hitu toé ngo bonés, ai isé toé lorongs.
7Landing hitu, Mori Keraéng wérét kolé ca leso bana, ngasangn “leso ho’o.” Béhéng kolé poli hitu, Hia curup lut hi Daud, cama ného curup hio éta: “Leso ho’o, émé dengé le méu reweng Diha, néka ku’akm!”
8Ai émé hi Yosua poli dadé isé nggere-oné osang baté asi, toét-toé, Mori Keraéng toé manga curup musi-main latang te ca leso ata bana kolé.
9Jari, manga kin améngn ca leso gel, ngong leso te pitun, latang te ro’éng de Mori Keraéng.
10Ai céing kaut ata poli ngo oné osang asi Diha, hia hitu poli gel oné-mai sanggéd gorin, cama ného Mori Keraéng gel oné-mai sanggéd gori Diha.
11Landing hitu, mait ga ité wuli- weki te ngo oné osang asi hitu, kudut néka koé manga cengatan ata pa’u landing lut toming disét danong ata toé lorong agu toé imbi.
12Ai reweng de Mori Keraéng mosé agu mberesn, céwé harat oné-mai kopé harat bali apa kaut. Reweng hitu ceka kéta haéng oné pucu lolo, ngancéng pandé bégas wakar agu nai, ruék agu usek, wiga belard nuk agu niak nai dité.
13Toé manga can cao-ca ata ceha bolo-mai ranga Diha. Bolo-mai mata Diha sanggén cao-ca mbolang agu téa taungs. Ité paka téing papong oné Hia.
Mori Yésus Hitu Imam Mésé
14Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.
15Imam Mésé dité hitu, toé imam mésé ata toé lut manté leme-léngkus dité. Ngot cama ného itéy, Hia poli damangn, landing Hia toé pa’u oné ndékoky.
16Landing hitu, mait ga agu rani naid, nggere-oné seriga Diha ata widang tabing, kudut tiba nabit agu tabing latang te campé du rapak leson.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel