1Kelé aibá-bá nia Togat Biri-biri segel sikapitu, matangeunangan leú et manua, ai pá sitenga jam burúnia.
2Iageti itsókungan malaika sipitu, ai sia muririó ka matat Taikamanua, samba ka tubudda néné atukau pitu ngambua pipiau.
3Ai mitsá malaika bagei sipasiaabbit sara kudduat pasilabokat kamenyan sigalai sibara ka emas, murió ka matat kudduat pasijá-jakat tarimeu buluakenen. Bulat maigi atukau ka tubunia kamenyan kaunen nia ka paniddogatda sangamberi paamian Taikamanua, samba leú et buluakenen ka kudduat pasijá-jakat tarimeu buluakenen sigalai sibara ka emas, sikukuddu ka matat uddenen purimataat Taikamanua.
4Sipaaleiaké paniddogatda sapaamian Taikamanua iaté, kujuk kamenyan sipuju-juluu leú et, aimunonoi-noi ka kabei malaika sipuririó ka matat Taikamanua.
5Lepá alánangan nia kudduat pasilabokat néné malaika, kaunangan ka bagania api sibara ka kudduat pasijá-jakat, tarimeu buluakenen iageti ribbaiakénangan leú et nia ka polak. Oto pugururuunangan leú et ka sia nga-ngan leleggu, samba ka sia bilá leú et, apabilá; lepá baranangan leú et teteu.
6Lepá nenda patarekrangan leú et tubudda mupiau, ka sia samalaika sipitu, sipasiomet'aké pipiau.
7Iageti pupiaunangan malaika siboikí, belénangan leú et urat es simatirit sambat api sigalú logau ka polak néné. Oto malabónangan leú et polak sepertelu lionia; kisedda leú et paloina-loiná samba papuo-puo sepertelu leú et lionia ka sia amalabó.
8Lepá mitsá pupiaunangan ka sia malaika sikarua; iageti kelé ai sara bulat sabeu, ituitsó kelé sara leleu sipuju-juluu, turibbaiaké ka bagat koat. Oto sepertelu lionia koat aibailiu logau,
9mateinangan leú et sepertelu iginia makluk ka koat; kisedda leú et ka sia pakapá-kapá, kataí sepertelu iginia.
10Lepá pupiaunangan ka sia malaika sikatelu, iageti belé ibelé sara panyanyat sabeu sipuju-juluu, kelé oong sibara ka manua, sak-saknangan leú et sepertelu bagat oinan samba bubuakat.
11(Onin panyanyat néné, iaté, "Simapongit".) Iageti mapongitnangan sepertelu oinan, maigi sia amatei kalulut igidda sipasiloló oinan simapongit néné.
12Iageti piaunangan ka sia pipiaunia malaika sikaepat. Bailiu tutipak sepertelu matat sulu, sepertelu matat laggó, samba sepertelu matat panyanyat, pat lebbeinangan torodda sepertelu iginia. Kisedda leú et sepertelu aibeleki toronia ka sia tágó toronia, samba sepertelu leú et ka sia aibeleki gep-gepnia soibó.
13Iageti lelek'akékungan nia, oto arepkungan ai sangamuneng manyang, ai nia tububurut ka pata, pelé nga-ngania, "Mateirangan te! Mateirangan te! Mateirangan te sangamberi sirimanua ka polak néné, ké maarep baí rapiau pipiaura ka sia samalaika sitelu!"
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel